തൃശൂർ: ഒളരിക്കര അങ്കണവാടിയിലും മൂർഖൻ പാന്പ്. എൽത്തുരുത്ത് കോളജിനടുത്തുള്ള അങ്കണവാടിയിലാണ് വലിയ പാന്പിനെ കണ്ടെത്തിയത്.
കഴിഞ്ഞ ദിവസം കുട്ടികൾക്ക് ഉച്ചഭക്ഷണം തയാറാക്കി കൊടുക്കുന്നതിനിടെ ചുമരിനു സമീപത്തു ജീവനക്കാരി പാന്പിനെ കാണുകയായിരുന്നു.
ഉടനെ കുട്ടികളെ അവിടെനിന്നും മാറ്റി. ഓടിക്കൂടിയ നാട്ടുകാർ പാന്പിനെ തെരഞ്ഞെങ്കിലും ആദ്യം കണ്ടെത്താൻ സാധിച്ചില്ല. മുകളിൽ കയറിക്കൂടിയ പാന്പിനെ വലയിൽ കുടുക്കി പിന്നീടു പിടികൂടി.
