കോലഞ്ചേരി: പൂതൃക്ക പഞ്ചായത്തിലെ പുതുപ്പനം വാർഡിൽ വാടക കെട്ടിടത്തിൽ പ്രവർത്തിക്കുന്ന അങ്കണവാടിക്ക് സ്വന്തമായി കെട്ടിടം നിർമിക്കാൻ മൂന്നു സെന്‍റ് സ്ഥലം സംഭാവന നൽകി ദന്പതികൾ. റിട്ട. ബാങ്ക് മാനേജർ കുന്നിപ്പിള്ളിക്കാട്ടേൽ കെ.പി.ഏലിയാസും റിട്ട. പ്രധാനാധ്യാപിക സി.കെ. ഗ്രേസിയും ചേർന്നാണ് 10 ലക്ഷം രൂപ വിലമതിക്കുന്ന സ്ഥലം സൗജന്യമായി നൽകിയത്.
സ്ഥലത്തിന്‍റെ ആധാരം വാർഡ് അംഗം പോൾ വെട്ടിക്കാടൻ ഏറ്റുവാങ്ങി. പഞ്ചായത്തും ഐസിഡിഎസും ചേർന്ന് 14.50 ലക്ഷം രൂപ മുടക്കിയാണ് കെട്ടിടം നിർമിക്കുന്നത്.
