യാത്ര ചൊല്ലാൻ മഴയും..! ഇനി ഓർമകളിൽ വേ​ദ​നയുടെ​ കവിതയായ് പ​ന​ച്ചൂ​രാ​ൻ.. അച്ഛനെ ഒരുനോക്കു കാണാനാകാതെ മക്കൾ 

കാ​യം​കു​ളം : ഓ​രോ മ​ഴ പെ​യ്തു തോ​രു​മ്പോ​ഴും​എ​ന്‍റെ ഓ​ര്‍​മ​യി​ല്‍ വേ​ദ​ന​യാ​കു​മാ ഗ​ദ്ഗ​ദം..​ഒ​രു മ​ഴ പെ​യ്തെ​ങ്കി​ല്‍.. ഒ​രു മ​ഴ പെ​യ്തെ​ങ്കി​ല്‍ എ​ന്ന ക​വി​ത​യി​ലൂ​ടെ എ​ഴു​തി​വെ​ച്ച വ​രി​ക​ൾ പോ​ലെ പ്ര​കൃ​തി​യു​ടെ ക​ണ്ണീ​ർ മ​ഴ​യി​ൽ പ്ര​ശ്സ​ത ക​വി​യും ഗാ​ന​ര​ച​യി​താ​വു​മാ​യ അ​നി​ൽ പ​ന​ച്ചൂ​രാ​ൻ ദീ​പ്‌​ത​മാ​യ ഓ​ർ​മ​യാ​യി

കോവിഡ് പ്രോട്ടോക്കോൾ
തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ നി​ന്നു പോ​സ്റ്റ് മോ​ർ​ട്ടം ന​ട​പ​ടി​ക​ൾ​ക്കുശേ​ഷം ഇ​ന്ന​ലെ രാ​ത്രി എ​ട്ടോ​ടെ ജ​ന്മ​നാ​ടാ​യ കാ​യം​കു​ളം പു​തു​പ്പ​ള്ളി​യി​ലെ വാ​ര​ണ​പ്പ​ള്ളി പ​ന​ച്ചൂ​ർ ത​റ​വാ​ട്ടി​ൽ എ​ത്തി​ച്ച ഭൗ​തി​ക ശ​രീ​രം കോ​വി​ഡ് പ്രോ​ട്ടോ​ക്കോ​ൾ പ്ര​കാ​രം ചി​ത​യൊ​രു​ക്കി സം​സ്ക​രി​ച്ചു.​

പി​തൃ സ​ഹോ​ദ​രന്‍റെ മ​ക​ൻ മോ​ജി​യാ​ണ് ചി​ത​യി​ൽ അ​ഗ്നി പ​ക​ർ​ന്ന​ത്. അ​ടു​ത്ത ബ​ന്ധു​ക്ക​ൾ മാ​ത്ര​മാ​ണ് സം​സ്ക്കാ​ര ച​ട​ങ്ങി​ൽ പ​ങ്കെ​ടു​ത്ത​ത്. വീ​ടി​ന് അ​മ്പ​ത് മീ​റ്റ​ർ അ​ക​ലെ ഛായാ​ചി​ത്രം സ്ഥാ​പി​ച്ച് നാ​ട്ടു​കാ​രും വി​വി​ധ ഇ​ട​ങ്ങ​ളി​ൽ നി​ന്നെ​ത്തി​യ സാ​മൂ​ഹിക സാം​സ്കാ​രി​ക ച​ല​ച്ചി​ത്ര പ്ര​വ​ർ​ത്ത​ക​രും എ​ഴു​ത്തു​കാ​രും അ​ന്ത്യോ​പ​ചാ​രം അ​ർ​പ്പി​ച്ചു.​

യാത്ര ചൊല്ലാൻ മഴയും..!
അ​ച്ഛ​നെ ഒ​രു നോ​ക്ക് കാ​ണാ​ൻ ക​ഴി​യാ​തെ​ മ​ക്ക​ളാ​യ മൈ​ത്രേ​യി​യും അ​രു​ളും വി​തു​മ്പി ക​ര​ഞ്ഞു.​ ഭാ​ര്യ മാ​യ​യ്ക്കും തേ​ങ്ങ​ൽ അ​ട​ക്കാ​നാ​യി​ല്ല. മ​ക​നെ അ​വ​സാ​ന​മാ​യി കാ​ണാ​ൻ ക​ഴി​യാ​തെ അ​മ്മ ദ്രൗ​പ​തി​യും വി​തു​മ്പി.​

ഭൗ​തി​ക ശ​രീ​രം ത​റ​വാ​ട്ട് മു​റ്റ​ത്തേ​ക്ക് എ​ത്തു​ന്ന സ​മ​യം ശ​ക്ത​മാ​യ മ​ഴ​യും പെ​യ്തു.​ പി​ന്നെ തോ​രാ​തെ മ​ഴ ചാ​റിച്ചാ​റി നി​ന്നു. ഈ ​സ​മ​യം പ​ന​ച്ചൂ​ർ ത​റ​വാ​ടി​ന്‍റെ മു​റ്റ​ത്ത് പ്ര​ത്യേ​കം ക്ര​മീ​ക​രി​ച്ച ചി​ത​യി​ൽ ക​വി​യു​ടെ ഭൗ​തി​ക ദേ​ഹം അ​ഗ്നി ഏ​റ്റു​വാ​ങ്ങി.​ ഒ​ടു​വി​ൽ മ​ഴ പെ​യ്തു തോ​ർ​ന്ന​പ്പോ​ൾ ക​വി അ​നി​ൽ പ​ന​ച്ചൂ​രാ​ൻ ആ​രാ​ധ​ക​രു​ടെ ഓ​ർ​മ​ക​ളി​ൽ ഒ​രു ഗ​ദ്ഗ​ദ​മാ​യി തീ​ർ​ന്നു.

മ​ര​ണം ഹൃ​ദ​യാ​ഘാ​തത്തെ തു​ട​ർ​ന്ന്
ബ​ന്ധു​ക്ക​ളു​ടെ പ​രാ​തി​യി​ൽ ഇ​ന്ന​ലെ കാ​യം​കു​ളം പോ​ലീ​സ് അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത​തോ​ടെ​യാ​ണ് പ​ന​ച്ചൂ​രാ​ന്‍റെ മൃ​ത​ദേ​ഹം തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ പോ​സ്റ്റ് മോ​ർ​ട്ടം ന​ട​ത്തി​യ​ത്.

​ പോ​സ്റ്റ് മോ​ർ​ട്ട​ത്തി​ൽ ഹൃ​ദ​യാ​ഘാ​തമാ​ണ് മ​ര​ണ​കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.​മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ, മു​രു​ക​ൻ കാ​ട്ടാ​ക്ക​ട, പ്ര​ഭാ​വ​ർ​മ്മ തു​ട​ങ്ങി​യ നി​ര​വ​ധി​പ്പേ​ർ മെ​ഡി​ക്ക​ൽ കോ​ള​ജി​ൽ എ​ത്തി അ​ന്ത്യോ​പ​ചാ​രം അ​ർ​പ്പി​ച്ചി​രു​ന്നു.