മലയാള സിനിമയിലെ ആദ്യ നൂറ്റമ്പതു കോടി ചിത്രമാണ് പുലിമുരുകന്‍. താരരാജാവ് മോഹന്‍ലാലിനെ നായകനാക്കി വൈശാഖ് ഒരുക്കിയ സിനിമ മലയാളികള്‍ ഒന്നാകെ ഏറ്റെടുത്തിരുന്നു.
പുലിയുമൊത്തുളള മോഹന്‍ലാലിന്റെ സംഘട്ടനരംഗങ്ങളായിരുന്നു ചിത്രത്തിന്റെ ഹൈലൈറ്റ്. പുലിമുരുകന്‍ സിനിമയെ ആസ്പദമാക്കി ഒരുക്കിയ ഒരു അനിമേഷന്‍ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ തരംഗമാവുന്നത്.
‘പുപ്പുലി’ എന്ന പേരിലാണ് അനിമേഷന്‍ വീഡിയോ പുറത്തിറക്കിയിട്ടുളളത്. വീഡിയോയുടെ ക്ലൈമാക്‌സ് ആണ് ഏവരെയും ചിരിപ്പിക്കുന്നത്.
പുലിമുരുകനെ പുലി ഓടിക്കുകയാണ്. പുലിയില്‍നിന്നും രക്ഷ നേടാന്‍ ഒരു പാറക്കല്ലിനു മറവില്‍ മുരുകന്‍ ഒളിച്ചുനിന്നു. എന്നാല്‍ മുരുകനെ കണ്ടുപിടിച്ച പുലി അടുത്തെത്തി, ‘തൊട്ടേ.. ഇനി എന്നെ തൊട്’ എന്നു പറഞ്ഞ് ഓടുകയാണ്.
മൂന്നു ലക്ഷത്തിലേറെ ആളുകള്‍ വീഡിയോ ഇതിനോടകം കണ്ടുകഴിഞ്ഞിട്ടുണ്ട്. 45000 ലൈക്കുകളാണ് വീഡിയോയ്ക്ക് ലഭിച്ചത്.’
