ന്യൂഡൽഹി: വനിത ടെന്നീസിൽ ഇന്ത്യയുടെ അങ്കിത റെ‍യ്നയ്ക്ക് ലോകറാങ്കിംഗിൽ 197-ാം സ്ഥാനം. ഇന്ത്യയിൽ നിന്ന് 200 സ്ഥാനത്തിനുള്ളിൽ എത്തിയ അഞ്ചാമത്തെ ആളാണ് അങ്കിത.
സാനിയ മിർസ, നിരുപമ വെെദ്യനാഥൻ, ശിഖ ഒബ്റോയ്, സുനിത റാവു എന്നിവരാണ് നേരത്തെ 200 റാങ്കിനുള്ളിൽ എത്തിയവർ. സിംഗിൾസിൽ സാനിയ 2007-ൽ 27-ാം റാങ്ക് കരസ്ഥമാക്കിയിരുന്നു. നിരുപമ 1997-ൽ 134-ാം സ്ഥാനവും 2005ൽ ശിഖ 122-ാം സ്ഥാനവും, 2008ൽ സുനിത 144 -ാം സ്ഥാനവും കരസ്ഥമാക്കിയിട്ടുണ്ട്.
കഠിനാധ്വാനവും സഹനവുമാണ് തന്നെ ഇൗ സ്ഥാനത്തിനു അർഹയാക്കിയതെന്ന് അങ്കിത പറഞ്ഞു. കുറെനാളുകളായി 200നും 250നും ഇടയിലായിരുന്നു സ്ഥാനം. സമയമെടുത്താണ് ഇൗ സ്ഥാനത്തെത്തിയതെന്നും അങ്കിത പറഞ്ഞു.
