കൊച്ചി: തൃക്കാക്കര ഉപതെരഞ്ഞെടുപ്പിൽ യുഡിഎഫിന്‍റെ വിജയം ആഘോഷിച്ച് ഹൈബി ഈഡന്‍റെ ഭാര്യ അന്ന ലിൻഡ ഈഡൻ.
കണ്ടം റെഡിയല്ലേ, റൈറ്റ് ഓ.കെ ഓടിക്കോ… എന്ന ക്യാപ്ഷനോടെയാണ് അന്ന വീഡിയോ പോസ്റ്റ് ചെയ്തിരിക്കുന്നത്.
“കടന്പ’ എന്ന സിനിമയ്ക്ക് വേണ്ടി തിക്കോടിയൻ രചിച്ച് എം.കെ. രാഘവൻ സംഗീതം നൽകിയ അപ്പോഴും പറഞ്ഞില്ലേ എന്ന ഗാനം പാടി, ചുവടുവച്ചാണ് അന്ന സന്തോഷം പങ്കുവയ്ക്കുന്നത്.
സമൂഹ മാധ്യമങ്ങൾ ഇതിനകം ഈ വീഡിയോ ഏറ്റെടുത്തു.
സെഞ്ച്വറിയടിക്കാന്‍ വന്ന പിണറായി ക്ലീന്‍ ബൗള്‍ഡായെന്ന് ചെന്നിത്തല
കൊച്ചി: സെഞ്ച്വറിയടിക്കാന്‍ വന്ന പിണറായി വിജയൻ തൃക്കാക്കരയില്‍ ക്ലീന്‍ ബൗള്‍ഡായെന്ന് മുന്‍ പ്രതിപക്ഷനേതാവ് രമേശ് ചെന്നിത്തല.
ജനങ്ങളുടെ മേല്‍ കുതിര കയറുന്ന ഏകാധിപതിയായ പിണറായിക്കെതിരായെ വിധിയാണിത്. ഒരു മന്ത്രിസഭ ഒന്നാകെ പ്രചാരണത്തിനു വന്നിട്ടും ഒരു ചലനവുമുണ്ടായില്ല.
എല്‍ഡിഎഫിനെതിരായ ശക്തമായ ജനവിധിയാണിതെന്നും അദ്ദേഹം മാധ്യമങ്ങളോടു പ്രതികരിച്ചു.
ജാതി-മതം പറഞ്ഞ് മന്ത്രിമാര്‍ വീടുകള്‍ കയറിയിറങ്ങിയിട്ടും വലിയ ഭൂരിപക്ഷമാണ് ഉമയ്ക്ക്. കെ-റെയിലിനെതിരായ ശക്തമായ വികാരമാണ് ഉയര്‍ന്നത്.
ഒരു കാലത്തുമില്ലാത്ത വിധത്തില്‍ യുഡിഎഫ് ഒറ്റക്കെട്ടായി ഇറങ്ങിയപ്പോള്‍ ഉജ്വല വിജയം വഴിയേയെത്തി.
മഞ്ഞക്കുറ്റിയുമായി കല്ലിടാന്‍ ഇനി ഇടതുപക്ഷം വരില്ലെന്നു വിചാരിക്കാമെന്നും ചെന്നിത്തല പറഞ്ഞു.
