അങ്കമാലി ഡയറീസ് എന്ന ചിത്രത്തിലൂടെ നായികയായി അരങ്ങേറ്റം കുറിച്ച നടിയാണ് അന്നാ രേഷ്മ രാജന്‍. ലിച്ചി എന്നായിരുന്നു അന്ന അവതരിപ്പിച്ച കഥാപാത്രത്തിന്‍റെ പേര്. ചിത്രം വിജയിച്ച ശേഷം അന്നയെ എല്ലാവരും ലിച്ചി എന്നാണ് വിളിക്കുന്നത്. പതിനൊന്നോളം ചിത്രങ്ങളിൽ അന്ന അഭിനയിച്ചിട്ടുണ്ട്.
ആദ്യ സിനിമയ്ക്കുശേഷം താരത്തിന്‍റെ മറ്റു ചിത്രങ്ങളെല്ലാം ടോപ്പ് സ്റ്റാറുകളുടെ കൂടെയായിരുന്നു. മോഹന്‍ലാല്‍ നായകനായ വെളിപാടിന്‍റെ പുസ്തകം, ജയറാം നായകനായ ലോനപ്പന്‍റെ മാമോദീസ, മമ്മൂട്ടി നായകനായ മധുര രാജ, ധ്യാന്‍ നായകനായ സച്ചിന്‍, പൃഥ്വിരാജും ബിജു മേനോനും കേന്ദ്ര കഥാപാത്രങ്ങളായ അയ്യപ്പനും കോശിയും എന്നിവയാണ് അന്ന ചെയ്ത ബിഗ് സ്റ്റാര്‍ സിനിമകള്‍.
ഇപ്പോഴിതാ താരം മോഹൻലാലിനെ കുറിച്ച് പറഞ്ഞിരിക്കുന്ന കാര്യമാണ് വൈറലാകുന്നത്. ലാലേട്ടനെ കുറിച്ച് ഓര്‍ക്കുമ്പോള്‍ തന്നെ ഷൂട്ടിങ് സെറ്റിലേക്കുള്ള അദ്ദേഹത്തിന്‍റെ എന്‍ട്രിയാണ് മനസില്‍ നിറയുന്നതെന്ന് അന്ന പറഞ്ഞു.
‘നമ്മള്ക്കൊക്കെ ഷൂട്ടിങ് തുടങ്ങി നാലഞ്ച് ദിവസം കഴിഞ്ഞിട്ടാണ് അദ്ദേഹം വരുന്നത്. ലാലേട്ടന്‍ വരുന്നുണ്ടെന്ന് അറിഞ്ഞപ്പോള്‍ മുതൽ അദ്ദേഹത്തെ കാണാനുള്ള കാത്തിരിപ്പിലായിരന്നു. ജസ്റ്റ് ജനലിലൂടെ നോക്കുമ്പോള്‍ ചന്ദനത്തിന്‍റെ മണമാണ്. ഏതോ ഒരു ഗന്ധര്‍വന്‍ വരുന്ന ഒരു ഫീലായിരുന്നു അദ്ദേഹം കയറി വന്നപ്പോള്‍. നമ്മള്‍ക്ക് വൈകുന്നേരമായിരുന്നു ഷൂട്ട്. നല്ല ടയേര്‍ഡും. പക്ഷെ അദ്ദേഹം കയറി വരുമ്പോള്‍ ഒരു ഭയങ്കര എനര്‍ജിയാണ് നമ്മള്‍ക്ക് കിട്ടുക. എല്ലാരും പറഞ്ഞ് കേട്ടിട്ടുണ്ട് ലാലേട്ടന്‍ കയറി വരുമ്പോള്‍ ഒരു പോസിറ്റിവ് വൈബാണെന്ന് അത് സത്യമാണ്’, എന്ന് അന്ന പറഞ്ഞു.
