പ്ര​തി​ക​ളു​ടെ സ്വാ​ധീ​ന​ത്തി​ന് വ​ഴ​ങ്ങി  മൊഴിമാറ്റാതിരിക്കാൻ കോടതിയുടെ മുൻകരുതൽ; കണ്ണൂരിലെ  ന​വ​ദ​മ്പ​തി​ക​ളെ അ​പ​കീ​ർ​ത്തി​പ്പെ​ടു​ത്തി​യ കേ​സിൽ യു​വ​തി ര​ഹ​സ്യ​മൊ​ഴി ന​ൽ​കി

ശ്രീ​ക​ണ്ഠ​പു​രം: സ​മൂ​ഹ മാ​ധ്യ​മ​ങ്ങ​ളി​ലൂ​ടെ ന​വ​ദ​മ്പ​തി​ക​ളെ അ​പ​കീ​ർ​ത്തി​പ്പെ​ടു​ത്തി​യ കേ​സി​ൽ പ​രാ​തി​ക്കാ​രി​യാ​യ യു​വ​തി മ​ജി​സ്ട്രേ​റ്റി​ന് ര​ഹ​സ്യ​മൊ​ഴി ന​ൽ​കി. ത​ളി​പ്പ​റ​മ്പ് ജു​ഡീ​ഷ​ൽ മ​ജി​സ്ട്രേ​റ്റ് മു​മ്പാ​കെ​യാ​ണ് ഇ​വ​ർ ര​ഹ​സ്യ​മൊ​ഴി ന​ൽ​കി​യ​ത്.

പ്ര​തി​ക​ളു​ടെ സ്വാ​ധീ​ന​ത്തി​ന് വ​ഴ​ങ്ങി വി​ചാ​ര​ണ സ​മ​യ​ത്ത് മൊ​ഴി മാ​റ്റാ​തി​രി​ക്കാ​ൻ കോ​ട​തി​യു​ടെ നി​ർ​ദേ​ശ​പ്ര​കാ​ര​മാ​ണ് മൊ​ഴി ന​ൽ​കി​യ​ത്. ഇ​തോ​ടെ വി​ചാ​ര​ണ സ​മ​യ​ത്ത് കൂ​റു​മാ​റ്റം ത​ട​യാ​നാ​കും. വ​ര​നേ​ക്കാ​ൾ ഇ​ര​ട്ടി​യോ​ളം പ്രാ​യം വ​ധു​വി​നു​ണ്ടെ​ന്ന തെ​റ്റാ​യ ക​മ​ന്‍റ് രേ​ഖ​പ്പെ​ടു​ത്തി​യും സ്ത്രീ​ധ​ന​ത്തി​നാ​യാ​ണ് വി​വാ​ഹം ക​ഴി​ച്ച​തെ​ന്നും അ​ധി​ക്ഷേ​പി​ച്ച് വാ​ട്സാ​പി​ലൂ​ടെ​യും ഫെ​യ്ബു​ക്കി​ലൂ​ടെ​യും ദ​മ്പ​തി​ക​ൾ​ക്കെ​തി​രെ പ്ര​ചാ​ര​ണം ന​ട​ത്തി​യെ​ന്നാ​ണ് കേ​സ്.

കേ​സി​ൽ ആ​കെ 11 പ്ര​തി​ക​ളാ​ണ് അ​റ​സ്റ്റി​ലാ​യി​ട്ടു​ള്ള​ത്.’ശ്രീ​ക​ണ്ഠ​പു​രം ന​ഗ​ര വി​ശേ​ഷ​ങ്ങ​ൾ’ എ​ന്ന വാ​ട്സാ​പ് ഗ്രൂ​പ്പി​ൽ പോ​സ്റ്റ് ഷെ​യ​ർ ചെ​യ്ത യു​വാ​വും പു​ലി​ക്കു​രു​മ്പ വാ​ട്സാ​പ്പ് ഗ്രൂ​പ്പി​ലെ ര​ണ്ട് അ​ഡ്മി​ൻ​മാ​രു​മാ​ണ് ഇ​നി പി​ടി​യി​ലാ​കാ​നു​ള്ള​ത്.

വി​ദേ​ശ​ത്തു​ള്ള ഇ​വ​ർ​ക്കാ​യി ലു​ക്കൗ​ട്ട് നോ​ട്ടീ​സ് പു​റ​ത്തി​റ​ക്കാ​ൻ ഒ​രു​ങ്ങു​ക​യാ​ണ് അ​ന്വേ​ഷ​ണ സം​ഘം. ഇ​തി​നാ​യി പാ​സ്പോ​ർ​ട്ട് വി​വ​ര​ങ്ങ​ൾ ശേ​ഖ​രി​ക്കാ​ൻ പോ​ലീ​സ് ഇ​വ​രു​ടെ വീ​ടു​ക​ളി​ലെ​ത്തി​യെ​ങ്കി​ലും ല​ഭ്യ​മാ​യി​ല്ല. ഇ​തോ​ടെ കോ​ഴി​ക്കോ​ട് എ​മി​ഗ്രേ​ഷ​ൻ വി​ഭാ​ഗ​വു​മാ​യി ബ​ന്ധ​പ്പെ​ട്ട് വി​വ​ര​ങ്ങ​ൾ ശേ​ഖ​രി​ക്കാ​നു​ള്ള ത​യാ​റെ​ടു​പ്പി​ലാ​ണ്.ശ്രീ​ക​ണ്ഠ​പു​രം സി​ഐ വി.​വി. ല​തീ​ഷി​ന്റെ നേ​തൃ​ത്വ​ത്തി​ലാ​ണ് കേ​സ് അ​ന്വേ​ഷി​ക്കു​ന്ന​ത്.