പൃഥ്വിരാജിന്‍റെ സംവിധാനത്തിൽ എത്തുന്ന മോഹൻലാൽ ചിത്രമായ ബ്രോ ഡാഡിയുടെ പുതിയ പ്രമോ വീഡിയോ ഏറ്റെടുത്ത് ആരാധകർ.
പൃഥ്വിരാജും ചിത്രത്തിന്‍റെ നിർമാതാവുമായ ആന്‍റണി പെരുന്പാവൂരുമാണ് വീഡിയോയിലുള്ളത്. ആന്‍റണി പെരുന്പാവൂരിന് ഒരു ഓഫർ നൽകി പൃഥ്വിരാജ് ബ്രോ ഡാഡിയുടെ ഷൂട്ടിംഗ് നേരത്തെ തുടങ്ങുന്നതാണ് വീഡിയോയിലുള്ളത്.
ജോൺ കാറ്റാടി എന്ന കഥാപാത്രമായി മോഹന്‍ലാലും അദ്ദേഹത്തിന്‍റെ മകൻ ഈശോ ജോണ്‍ കാറ്റാടിയായി പൃഥ്വിരാജും ചിത്രത്തിൽ എത്തുന്നത്.
മീനയാണ് മോഹൻലാലിന്‍റെ ഭാര്യ അന്നമ്മയായി അഭിനയിക്കുന്നത്. ഇവരെ കൂടാതെ ഉണ്ണി മുകുന്ദന്‍, സൗബിന്‍ ഷാഹിര്‍, ജാഫര്‍ ഇടുക്കി, ലാലു അലക്സ്, ജഗദീഷ്, മീന, കല്യാണി പ്രിയദര്‍ശന്‍, നിഖില വിമല്‍, കനിഹ, കാവ്യ എം ഷെട്ടി, മല്ലിക സുകുമാരൻ തുടങ്ങിയവരാണ് ചിത്രത്തിലെ മറ്റ് താരങ്ങള്‍.
ശ്രീജിത്ത് എൻ, ബിബിൻ മാളിയേക്കൽ ഇവർ ചേർന്നാണ് സിനിമയുടെ കഥയൊരുക്കിയിരിക്കുന്നത്. ആശിർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ തന്നെയാണ് സിനിമയുടെ നിർ‍മ്മാണം. ചിത്രം ഹോട്ട്സ്റ്റാറിലൂടെയാണ് പുറത്തിറങ്ങുന്നത്.
