അ​നുവി​ന് മ​ട​ങ്ങേ​ണ്ട, അ​പ​ക​ട നി​ല​യി​ലാ​യ വീ​ട്ടി​ലേ​ക്ക്…! അച്ഛന്‍റെ പേ​രി​ലു​ള്ള ര​ണ്ടു സെ​ന്‍റ് ഭൂ​മി​യി​ൽ വ​ലി​യ വീ​ടൊ​ന്നും വേ​ണ്ട, അ​ട​ച്ചു​റ​പ്പു​ള്ള ഒ​രു വീ​ട്… നി​റ​ഞ്ഞ​ക​ണ്ണു​ക​ളോടെ അനു…

ചെ​ങ്ങ​ന്നൂ​ർ : താ​ഴ്ന്ന പ്ര​ദേ​ശ​ങ്ങ​ളി​ലെ വീ​ടു​ക​ളി​ൽ നി​ന്നു വെ​ള്ളം ഇ​റ​ങ്ങി​ത്തു​ട​ങ്ങി​യ​തോ​ടെ ക്യാം​പു​ക​ൾ വി​ട്ട് വീ​ടു​ക​ളി​ലേ​ക്കു മ​ട​ങ്ങി പോ​കാ​നു​ള്ള തി​ടു​ക്ക​ത്തി​ലാ​ണ് എ​ല്ലാ​വ​രും.

ഇ​തി​നു മു​ന്നോ​ടി​യാ​യി പു​രു​ഷ​ന്മാ​രും മു​തി​ർ​ന്ന സ്ത്രീ​ക​ളു​മ​ട​ക്കം പ​ല​രും ത​ങ്ങ​ളു​ടെ വീ​ടു​ക​ളി​ലെത്തി ​ശു​ചീ​ക​ര​ണ​ത്തി​നു തു​ട​ക്ക​വു​മാ​യി.

എ​ന്നാ​ൽ, മു​ള​ക്കു​ഴ പ​ഞ്ചാ​യ​ത്ത് നാ​ലാം വാ​ർ​ഡി​ൽ ചെ​മ്പ​ൻ​ചി​റ പു​തു​വ​ൽ വീ​ട്ടി​ൽ പ്ര​ഭ​യു​ടെ മ​ക​ൾ പൂ​ർ​ണ ഗ​ർ​ഭി​ണി​കൂ​ടി​യാ​യ അ​നു (26 )വി​ന് വീ​ട്ടി​ലേ​ക്കു​ള്ള മ​ട​ക്ക യാ​ത്ര​യെ​ക്കു​റി​ച്ചു ചി​ന്തി​ക്കു​മ്പോ​ൾ ഹൃ​ദ​യ​മി​ടി​പ്പു കൂ​ടു​ക​യാ​ണ്.

വാ​സ യോ​ഗ്യ​മ​ല്ലാ​ത്ത ,അ​പ​ക​ട നി​ല​യി​ലാ​യ വീ​ടി​ന്‍റെ സു​ര​ക്ഷ​യെ​ക്കു​റി​ച്ചോ​ർ​ക്കു​മ്പോ​ഴാ​ണ് ഭ​യം. മാ​ന​മി​രു​ണ്ടാ​ൽ ഈ ​സാ​ധു കും​ബ​ത്തി​ന്‍റെ നെ​ഞ്ചി​ടി​പ്പും ഉ​യ​രും.

നീ​ളാ​ത്ത് പു​ഞ്ച​യോ​ടു ചേ​ർ​ന്ന താ​ഴ്ന്ന പു​ര​യി​ട​ത്തി​ലാ​ണ് അ​നു​വി​ന്‍റെ അ​പ​ക​ട നി​ല​യി​ലാ​യ കൊ​ച്ചു വീ​ട് .

ഇ​വി​ടെ അ​നു​വി​ന്‍റെ ഒ​ന്ന​ര​യും ആ​റും വ​യ​സു വീ​ത​മു​ള്ള ര​ണ്ടു പെ​ൺ​കു​ട്ടി​ക​ളും വി​ധ​വ​യാ​യ അ​മ്മ പ്ര​ഭ​യും കൊ​ല്ലം സ്വ​ദേ​ശി​യാ​യ ഭ​ർ​ത്താ​വ് രാ​ജേ​ഷു​മാ​ണ് താ​മ​സം.

പി​താ​വ് സി.​കെ.​അ​ജി മ​രി​ച്ചി​ട്ട് മൂ​ന്നു വ​ർ​ഷം ക​ഴി​ഞ്ഞു. 20 വ​ർ​ഷം മു​മ്പ് ബ്ലോ​ക്കി​ൽ നി​ന്ന് അ​നു​വ​ദി​ച്ച പ​ദ്ധ​തി വീ​ടാ​ണു കാ​ല​പ​ഴ​ക്ക​ത്താ​ൽ ഇ​ടി​ഞ്ഞു പൊ​ളി​ഞ്ഞ് ഇ​പ്പോ​ൾ വാ​സ​യോ​ഗ്യ​മ​ല്ലാ​തെ ഏ​തു​നി​മി​ഷ​വും നി​ലം​പൊ​ത്താ​റാ​യ നി​ല​യി​ലു​ള്ള​ത്. ക​ഴി​ഞ്ഞ പ്ര​ള​യ​ത്തി​ൽ ഭാ​ഗി​ക​മാ​യി ത​ക​ർ​ന്നി​രു​ന്നു.

അ​തി​നും മു​മ്പു മു​ത​ൽ ത​ന്നെ പ​ല ആ​വ​ർ​ത്തി പു​തി​യ വീ​ടി​നു​ള്ള അ​പേ​ക്ഷ​യു​മാ​യി പ​ഞ്ചാ​യ​ത്ത് അ​ധി​കൃ​ത​ർ​ക്കു മു​മ്പി​ൽ ക​യ​റി​യി​റ​ങ്ങു​ക​യാ​ണ്.

ഇ​തു​വ​രെ അ​നു​കൂ​ല തീ​രു​മാ​നം ഉ​ണ്ടാ​യി​ല്ല. പ്ര​ഭ​യു​ടെ ഭ​ർ​ത്താ​വ് മ​ര​ണ​മ​ട​ഞ്ഞ അ​ജി​യു​ടെ പേ​രി​ലാ​ണ് വ​സ്തു എ​ന്നു പ​റ​ഞ്ഞാ​ണ് അ​ധി​കൃ​ത​ർ പ്ര​ഭ​യെ മ​ട​ക്കി അ​യ​യ്ക്കു​ന്ന​ത്.

ഇ​പ്പോ​ഴ​ത്തെ മ​ഴ​യി​ൽ വീ​ടി​ന്‍റെ ത​ക​ർ​ച്ച പൂ​ർ​ണ​മാ​യി​രി​ക്കു​ക​യാ​ണ്. അ​പ​ക​ട നി​ല​യി​ലാ​യ വീ​ട്ടി​ലേ​ക്ക് ഗ​ർ​ഭി​ണി​യാ​യ മ​ക​ളേ​യും കു​ട്ടി​ക​ളേ​യും കൊ​ണ്ട് വീ​ട്ടി​ലേ​ക്കു​ള​ള മ​ട​ക്കം അ​മ്മ പ്ര​ഭ​യ്ക്കും ഭ​യ​മാ​ണ്.

അ​തു​കൊ​ണ്ടു ത​ന്നെ മു​ള​ക്കു​ഴ ഗ​വ.​എ​ൽ.​പി സ്കൂ​ളി​ലെ ഇ​പ്പോ​ഴ​ത്തെ ദു​രി​താ​ശ്വാ​സ ക്യാ​മ്പ് ഇ​വ​ർ​ക്കി​പ്പോ​ൾ ര​ണ്ടാം വീ​ടു​പോ​ലെ ആ​ശ്വാ​സ​മാ​ണ് .

ആ​രോ​ഗ്യ പ്ര​വ​ർ​ത്ത​ക​രു​ടെ നി​ര​ന്ത​ര​മു​ള്ള ശ്ര​ദ്ധ​യും പ​രി​ശോ​ധ​ന​യും മ​റ്റും അ​നു​വി​നു ക്യാം​പി​ൽ ല​ഭി​ക്കു​ന്നു​ണ്ട്. ന​വം​ബ​ർ ആ​ദ്യം പ്ര​സ​വം ഉ​ണ്ടാ​വു​മെ​ന്നാ​ണ് പ​രി​ശോ​ധി​ച്ച ഡോ​ക്ട​ർ അ​റി​യി​ച്ച​ത്.

ഈ ​ആ​ഴ്ച അ​വ​സാ​ന​ത്തോ​ടെ ക്യാം​പ് പി​രി​ച്ചു വി​ടു​മെ​ന്നാ​ണ് ക​രു​തു​ന്ന​ത്. അ​ങ്ങ​നെ വ​ന്നാ​ൽ പി​ന്നെ എ​ങ്ങോ​ട്ട് , എ​ന്ന ചോ​ദ്യ​ത്തി​ന് ഉ​ത്ത​രം തേ​ടു​ക​യാ​ണീ സാ​ധു പ​ട്ടി​ക​ജാ​തി കും​ബം.

അച്ഛന്‍റെ പേ​രി​ലു​ള്ള ര​ണ്ടു സെ​ന്‍റ് ഭൂ​മി​യി​ൽ വ​ലി​യ വീ​ടൊ​ന്നും വേ​ണ്ട. നി​ല​വി​ലെ – ത​ക​ർ​ച്ച​യി​ലാ​യ വീ​ടി​നു പ​ക​രം അ​ട​ച്ചു​റ​പ്പു​ള്ള ഒ​രു വീ​ട് ; അ​തു മാ​ത്ര​മാ​ണ് ത​ങ്ങ​ളാ​വ​ശ്യ​പ്പെ​ടു​ന്ന​ത് – അ​നു നി​റ​ഞ്ഞ​ക​ണ്ണു​ക​ൾ തു​ട​ച്ചു കൊ​ണ്ടു പ​റ​ഞ്ഞു.