അൽഫോണ്സ് പുത്രൻ സംവിധാനം ചെയ്ത പ്രേമം എന്ന ചിത്രത്തിലൂടെ പ്രശസ്തയായ താരമാണ് അനുപമ പരമേശ്വരൻ. ചിത്രത്തിൽ നിവിൻ പോളിയുടെ മൂന്ന് നായികമാരിൽ ഒരാളായാണ് അനുപമ എത്തിയിരുന്നത്. തെലുങ്കിൽ അനുപമയുടേതായി പുറത്തിറങ്ങാനിരിക്കുന്ന ചിത്രമാണ് കൃഷ്ണാർജുന യുദ്ധം.
ചിത്രത്തിൽ സൂപ്പർതാരം നാനിയാണ് അനുപമയുടെ നായകനാവുന്നത്. റിലീസിങ്ങിനൊരുങ്ങുന്ന ചിത്രത്തിന്‍റെ പ്രൊമോഷൻ പരിപാടിക്കിടെ നടി കളിച്ച ഡാൻസ് സമൂഹ മാധ്യമങ്ങളിൽ വൈറലായിരിക്കുകയാണ്.സാരിയുടുത്ത് ചടങ്ങിനെത്തിയ അനുപമയുടെ ഡപ്പാംകൂത്ത് ഡാൻസ് വീഡിയോ ആണ് സമൂഹമാധ്യമങ്ങളിൽ തരംഗമാവുന്നത്.
അനുപമയുടെ ഡാൻസിനിടെ ചിത്രത്തിലെ നായകൻ നാനിയും സ്റ്റേജിലെത്തുന്നുണ്ട്. റെഡ്റോസ് സാരിയിൽ നടത്തിയ ഡാൻസ് ഇതിനോടകം ഹിറ്റായി.പ്രേമത്തിലൂടെ അരങ്ങേറിയ അനുപമ മലയാളത്തിൽ ചെയ്തതിനേക്കാൾ കൂടുതൽ ചിത്രങ്ങൾ തെലുങ്കിലാണ് ചെയ്തിരിക്കുന്നത്. എതായാലും താരത്തിന്‍റെ വീഡിയോ ആരാധകർ ഒന്നടങ്കം എറ്റെടുത്തിരിക്കുകയാണ്.
പ്രേമം എന്ന ഹിറ്റിനു ശേഷം ജയിംസ് ആൻഡ് ആലീസ് എന്ന സിനിമയിൽ മാത്രം മലയാളത്തിൽ അഭിനയിച്ച അനുപമ പിന്നീട് തെലുങ്കിലേക്കായിരുന്നു പോയിരുന്നത്. തെലുങ്കിലെ പ്രശസ്ത സംവിധായകൻ ത്രിവിക്രം ശ്രീനിവാസ് സംവിധാനം ചെയ്ത ചിത്രത്തിലായിരുന്നു അനുപമ അഭിനയിച്ചിരുന്നത്. സുപ്പർതാരം നിതിനായിരുന്നു ചിത്രത്തിൽ നായകവേഷത്തിലെത്തിയിരുന്നത്.
ഈ ചിത്രത്തിനു ശേഷം പ്രേമത്തിന്‍റെ തെലുങ്ക് പതിപ്പിൽ അഭിനയിച്ച അനുപമ, ധനുഷിന്‍റെ നായികയായി കൊടി എന്ന തമിഴ് ചിത്രത്തിലും അഭിനയിച്ചിരുന്നു. ശർവാനന്ദ് നായകനായ ശതമാനം ഭവതി എന്ന ചിത്രമാണ് അനുപമയുടേതായി തെലുങ്കിൽ ബ്ലോക്ക് ബസ്റ്റർ ഹിറ്റുകളിലൊന്നായ ചിത്രം. തുടർന്ന് മലയാളത്തിൽ ദുൽഖറിന്‍റെ നായികയായി ജോമോന്റെ സുവിശേഷങ്ങൾ എന്ന ചിത്രത്തിലും അനുപമ അഭിനയിച്ചിരുന്നു.
