ആപ്പിൾ ഐഫോണിൽ വച്ച് മുട്ട ചതയ്ക്കുന്ന വീഡിയോയാണ് ഇൻസ്റ്റഗ്രാമിൽ ഇപ്പോൾ ശ്രദ്ധ നേടുന്നത്. സ്കോട്ട് ഹെൻ്റ്‌സെപീറ്റർ എന്ന സോഷ്യൽ മീഡിയ ഇൻഫ്ലുവൻസറാണ് ഇൻസ്റ്റാഗ്രാമിൽ റീൽ അപ്‌ലോഡ് ചെയ്‌തത്. വിലയേറിയ സ്മാർട്ട്‌ഫോണിൽ അസാധാരണമായി ചെയ്ത ഈ കാര്യം ഇൻസ്റ്റഗ്രാം ഉപയോക്താക്കളെ അമ്പരിപ്പിച്ചു.
സ്കോട്ട് എന്താണ് ചെയ്തതെന്ന് കണ്ടാൽ നിങ്ങൾ അത്ഭുതപ്പെടും. അയാൾ ഐഫോണിന്‍റെ പിൻഭാഗത്ത് ഒരു മുട്ട വയ്ക്കുന്നതും അതിന്മേൽ സുതാര്യമായ ഒരു ഫോൺ കവർ പതിയെ വയ്ക്കുന്നതും റീലിൽ കാണാം. പിന്നീട് ചുറ്റികയെടുത്ത് മുട്ട തകർത്താണ് ഈ സൂക്ഷ്മമായ നടപടി പിന്തുടരുന്നത്. ഫോണിന് കേടുപാടുകൾ സംഭവിച്ചിട്ടില്ലെന്നാണ് വീഡിയോയിൽ നിന്ന് ലഭിക്കുന്ന സൂചന.
ഈ വർഷം ആദ്യം അപ്‌ലോഡ് ചെയ്ത റീൽ ഇൻസ്റ്റാഗ്രാമിൽ 3.1 ദശലക്ഷം വ്യൂസും ആയിരം കമന്‍റുകളും നേടി. “എനിക്കിത് ഇഷ്ടമല്ല” എന്ന് പറഞ്ഞ് കാഴ്ചക്കാർ ആകെ വെറുപ്പോടെ പ്രതികരിച്ചു. ദേഷ്യവും ഓക്കാനവും സൂചിപ്പിക്കുന്ന ഇമോജികളും അവർ പങ്കുവച്ചു.
ഈ ഇൻഫ്ലുവൻസർ വിചിത്രമായ കാര്യങ്ങൾ ചെയ്യുന്നത് ഇതാദ്യമല്ല. അദ്ദേഹത്തിന്‍റെ പ്രൊഫൈലിലെ മറ്റ് പോസ്റ്റുകളും സമാനമായ പ്രവർത്തനങ്ങൾ കാണിക്കുന്നു. തൻ്റെ ഫോൺ കവറിലേക്കും ഡെസ്‌ക്‌ടോപ്പ് സ്‌ക്രീനിലേക്കും ഫ്രഷ് കിവീസ്, സ്‌ട്രോബെറി എന്നിവ ചേർക്കുന്നതാണ് വീഡിയോ .
