ആ​റാ​ട്ട് കു​ളം ന​വീ​ക​ര​ണം ഫ​ലം ക​ണ്ടി​ല്ല ; കു​ള​ത്തി​ൽ വീ​ണ്ടും പാ​യ​ൽ നി​റ​ഞ്ഞു; 10 ലക്ഷത്തിന്‍റെ കരാർ പണികൾ നടന്നില്ലെന്ന ആരോപണവുമായി നാട്ടുകാർ

ശാ​സ്താം​കോ​ട്ട: ഏ​റെ പ്ര​തീ​ക്ഷ​യോ​ടെ ന​ട​ത്തി​യ മൈ​നാ​ഗ​പ്പ​ള്ളി വേ​ങ്ങ​യി​ലെ ആ​റാ​ട്ട് കു​ളം ന​വീ​ക​ര​ണം ഫ​ലം ക​ണ്ടി​ല്ല. കു​ള​ത്തി​ൽ വീ​ണ്ടും പാ​യ​ലും കു​ള​വാ​ഴ​ക​ളും നി​റ​ഞ്ഞു. വ​ർ​ഷ​ങ്ങ​ളാ​യി ഉ​പ​യോ​ഗി​ക്കാ​തെ കി​ട​ന്ന​ത് മൂ​ലം പാ​യ​ലും കു​ള​വാ​ഴ​ക​ളും നി​റ​ഞ്ഞ് മാ​ലി​ന്യ നി​ക്ഷേ​പ കേ​ന്ദ്ര​മാ​യി മാ​റി​യ കു​ളം പ്ര​ദേ​ശ​വ വാ​സി​ക​ളു​ടെ നി​ര​ന്ത​ര ആ​വ​ശ്യ​ത്തെ​യും സ​മ്മ​ർ​ദത്തെ​യും തു​ട​ർ​ന്നാ​ണ് ന​ന്നാ​ക്കാ​ൻ മൈ​നാ​ഗ​പ്പ​ള്ളി ഗ്രാ​മ​പ​ഞ്ചാ​യ​ത്ത് ത​യാറാ​യ​ത്.​പ​ത്ത് ല​ക്ഷം രൂ​പ​യാ​ണ് കു​ളം ന​വീ​ക​ര​ണ​ത്തി​ന് നീ​ക്കി​വ​ച്ച​ത്.

പാ​യ​ലും കു​ള​വാ​ഴ​ക​ളും നീ​ക്കം ചെ​യ്ത് വെ​ള്ളം വ​റ്റി​ച്ച് ചെ​ളി നീ​ക്കം ചെ​യ്യു​ക​യും വ​ശ​ങ്ങ​ളി​ലെ കെ​ട്ടു​ക​ൾ ഉ​യ​ർ​ത്തി കെ​ട്ടു​ക​യും മാ​ലി​ന്യം നി​ക്ഷേ​പി​ക്കാ​ൻ ക​ഴി​യാ​ത്ത ത​ര​ത്തി​ൽ കു​ള​ത്തി​ന് ചു​റ്റും വേ​ലി​യും സി ​സി റ്റി ​വി കാ​മ​റ​ക​ൾ സ്ഥാ​പി​ക്കു​ക​യും ചെ​യ്യാ​നാ​ണ് ഉ​ദ്ദേ​ശി​ച്ചി​രു​ന്ന​ത്. ഭാ​വി​യി​ൽ ആ​വ​ശ്യ​മെ​ങ്കി​ൽ കു​ളം നീ​ന്ത​ൽ പ​രി​ശീ​ല​ന കേ​ന്ദ്ര​മാ​ക്കു​ന്ന ത​ര​ത്തി​ലു​ള്ള ന​വീ​ക​ര​ണ​മാ​ണ് ല​ക്ഷ്യ​മി​ടു​ന്ന​തെ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​ർ പ​റ​ഞ്ഞി​രു​ന്ന​ത്.

കു​ള​ത്തി​ലെ പാ​യ​ലും മ​റ്റും വാ​രി മാ​റ്റു​ക​യും കു​ളം വ​റ്റി​ച്ച് ചെ​ളി​ക​ളും മ​റ്റും നീ​ക്കം ചെ​യ്തു. വ​ശ​ങ്ങ​ളി​ൽ ഒ​ര​ടി ഉ​യ​ര​ത്തി​ൽ പാ​റ കെ​ട്ടു​ക​യും ചെ​യ്തു. എ​ന്നാ​ൽ മ​റ്റ് പ​ണി​ക​ൾ ഒ​ന്നും ചെ​യ്തി​ട്ടി​ല്ല. ക​രാ​ർ തു​ക​യ്ക്ക് അ​നു​സൃ​ത​മാ​യ പ​ണി ന​ട​ന്നി​ട്ടി​ല്ലെന്ന് അ​ന്നേ ആ​ക്ഷേ​പം ഉ​യ​ർ​ന്നി​രു​ന്നു. ഇ​തി​നി​ട​യി​ലാ​ണ് കു​ള​ത്തി​ൽ ഇ​പ്പോ​ൾ പ​ഴ​യ​ത് പോ​ലെ ത​ന്നെ പാ​യ​ലും കു​ള​വാ​ഴ​യും നി​റ​ഞ്ഞ​ത്. ഇ​ത് മാ​ലി​ന്യ നി​ക്ഷേ​പ​ത്തി​ന് കാ​ര​ണ​മാ​കാ​നും സാ​ധ്യ​ത​യു​ണ്ട്.