കൊച്ചി: മദ്യലഹരിയില്‍ പോലീസിന്‍റെ ജോലി തടസപ്പെടുത്തിയ മൂന്ന് യുവാക്കള്‍ അറസ്റ്റില്‍. ഇന്നലെ രാത്രി ചങ്ങമ്പുഴ പാര്‍ക്കിനു സമീപത്തായിരുന്നു സംഭവം.
മദ്യലഹരിയില്‍ ട്രാന്‍സ്‌ജെന്‍ഡറുകളുമായി തര്‍ക്കത്തിലേര്‍പ്പെട്ട യുവാക്കളെ ചോദ്യം ചെയ്ത എളമക്കര പോലീസ് ഇന്‍സ്‌പെക്ടര്‍ സനീഷിനു നേരേ സംഘം തട്ടിക്കയറുകയും ജോലി തടസപ്പെടുത്തുകയുമാണ് ഉണ്ടായത്.
അതേസമയം അറസ്റ്റിലായ പ്രതികളുടെ പേരു വിവരങ്ങള്‍ നല്‍കാന്‍ എളമക്കര പോലീസ് തയാറായില്ല. പ്രതികളെ പിന്നീട് ജാമ്യത്തില്‍ വിട്ടു.
കൊച്ചി സിറ്റിയില്‍ പോലീസ് ഉദ്യോഗസ്ഥരെ ആക്രമിക്കുകയും ജോലി തടസപ്പെടുത്തുകയും ചെയ്യുന്ന സംഭവങ്ങള്‍ പതിവാകുകയാണ്. എറണാകുളം നോര്‍ത്ത് പോലീസ് ഇന്‍സ്‌പെക്ടര്‍, മുളവുകാട് എസ്‌ഐ എന്നിവരെ ആക്രമിക്കാന്‍ ശ്രമിച്ച സംഭവങ്ങളില്‍ നേരത്തെ രണ്ടു പേര്‍ അറസ്റ്റിലായിട്ടുണ്ട്.
