ന്യൂയോര്‍ക്ക്: വാഹനങ്ങളുടെ എയര്‍ബാഗുകളില്‍ പുതിയതും അപകടകരവുമായ ന്യൂനത കണ്ടെത്തിയതിനെത്തുടര്‍ന്നു നിരവധി ഓട്ടോ കമ്പനികളില്‍ നിന്ന് ഒരു മില്യണ്‍ വാഹനങ്ങള്‍ തിരിച്ചുവിളിക്കുമെന്ന് യുഎസ് ഗവൺമെന്‍റ് ബുധനാഴ്ച പ്രഖ്യാപിച്ചു.
ഓഡി, ബിഎംഡബ്ല്യു, ഹോണ്ട, മിറ്റ്സുബിഷി, ടൊയോട്ട എന്നീ അഞ്ച് വാഹന നിര്‍മാതാക്കളുടെ ചില പഴയ വാഹനങ്ങളില്‍ ഘടിപ്പിച്ചിട്ടുള്ള ‘ടകാറ്റ’ കോര്‍പ്പറേഷന്‍ നിര്‍മിച്ച എയര്‍ബാഗുകളിലെ തകരാറുകളാണ് തിരിച്ചുവിളിക്കാന്‍ കാരണം.
അമേരിക്കന്‍ ഐക്യ നാടുകളിലെ നാഷണല്‍ ഹൈവേ ട്രാഫിക് സേഫ്റ്റി അഡ്മിനിസ്ട്രേഷന്‍ (എന്‍എച്ച്ടിഎസ്എ) റിപ്പോര്‍ട്ടനുസരിച്ച്, ഏകദേശം 1.4 ദശലക്ഷം വാഹനങ്ങള്‍ക്ക് തകരാറുണ്ടാകാം, പക്ഷേ ഏജന്‍സിയുടെ കണക്കനുസരിച്ച് അവയില്‍ 1 ശതമാനത്തോളം വാഹനങ്ങളില്‍ യഥാര്‍ഥ തകരാര്‍ ഉണ്ടെന്നു പറയുന്നു.
എയര്‍ബാഗുകളില്‍ നോണ്‍ അസൈഡ് ഡ്രൈവര്‍ ഇന്‍ഫ്ലേറ്ററുകള്‍ (NADI) അടങ്ങിയിട്ടുണ്ടെന്ന് എന്‍എച്ച്ടിഎസില്‍ നിന്നുള്ള വിവരങ്ങള്‍ വ്യക്തമാക്കുന്നു. ഈ തകരാര്‍ എയര്‍ബാഗിന്‍റെ ഇന്‍ഫ്ലേറ്റര്‍ വിന്യസിക്കുമ്പോള്‍ അത് പൊട്ടിത്തെറിക്കുകയോ അല്ലെങ്കില്‍ അണ്ടര്‍ഫ്ലേറ്റ് ചെയ്യുകയോ ചെയ്യും. ഇതു ഗുരുതരമായ പരിക്കിനും മരണത്തിനും കാരണമാകുന്നു. എന്‍എച്ച്ടിഎസ്എ ഈ പ്രതിഭാസത്തെ ‘സുരക്ഷയ്ക്ക് വളരെ ഗുരുതരമായ ഭീഷണി’ എന്നാണ് വിശേഷിപ്പിച്ചിരിക്കുന്നത്.
എന്‍എച്ച്ടിഎസ്എ പ്രസിദ്ധീകരിച്ച രേഖകള്‍ പ്രകാരം 1995 മേയ് 1 നും ഓഗസ്റ്റ് 31 നും ഇടയില്‍ 4.45 ദശലക്ഷം NADI ഇന്‍ഫ്ലേറ്ററുകളുണ്ടാക്കിയതായി ‘ടകാറ്റ’ കോര്‍പ്പറേഷന്‍ സാക്ഷ്യപ്പെടുത്തുന്നു. കാരണം, രണ്ടു പതിറ്റാണ്ടുകള്‍ക്ക് മുമ്പ് ആ ഇന്‍ഫ്ലേറ്ററുകളുമായി വാഹനങ്ങള്‍ പുറത്തിറങ്ങിയതായി രേഖകള്‍ പറയുന്നു. എന്നാല്‍ എല്ലാ ഇന്‍ഫ്ലേറ്ററുകളും ഇന്നും ഓടിക്കുന്ന ചില കാറുകളില്‍ കാണാന്‍ കഴിയില്ലെന്നും പറയുന്നു.
അമേരിക്കയില്‍ വില്‍ക്കുന്ന വാഹനങ്ങള്‍ക്കുള്ള ‘ടകാറ്റ’ നാഡി ഇന്‍ഫ്ലേറ്ററുകളുടെ എണ്ണം ഗണ്യമായി കുറവാണെങ്കിലും ഇപ്പോള്‍ കൃത്യമായി അറിയില്ലെന്ന് രേഖകള്‍ പറയുന്നു.
എയര്‍ബാഗുകള്‍ തകരാറിലായതിനാല്‍ വാഹനങ്ങള്‍ തിരിച്ചുവിളിച്ച ചരിത്രമുണ്ട്. 2017 ജൂലൈയില്‍ എന്‍എഡിടിഎയുടെ കണക്കനുസരിച്ച് നാഡി ഇന്‍ഫ്ലേറ്ററുകളുടെ തകരാറുമൂലം അടുത്തിടെ തിരിച്ചുവിളിച്ച ഈ വാഹനങ്ങള്‍ 41.6 ദശലക്ഷത്തോളമാണ്.
കണ്‍സ്യൂമര്‍ റിപ്പോര്‍ട്ടുകളനുസരിച്ച്, തിരിച്ചുവിളിച്ച 41.6 ദശലക്ഷം വാഹനങ്ങളിലെ എയര്‍ബാഗുകള്‍ ലോകമെമ്പാടും 24 മരണങ്ങളും 300 പരിക്കുകളുമായി ബന്ധപ്പെട്ടിരിക്കുന്നു. അമേരിക്കയില്‍ മാത്രം 16 മരണങ്ങള്‍ റിപ്പോർട്ടു ചെയ്തിട്ടുണ്ട്.
തെറ്റായ എയര്‍ബാഗ് ഇന്‍ഫ്ലേറ്ററുകള്‍ അടങ്ങിയിരിക്കുന്ന വാഹന മോഡലുകളുടെ ലിസ്റ്റുകള്‍ എല്ലാ വാഹന നിര്‍മാതാക്കളും ഇതുവരെ പുറത്തുവിട്ടിട്ടില്ല. കമ്പനിയുടെ മൊത്തം 116,491 വാഹനങ്ങള്‍ തിരിച്ചുവിളിക്കാന്‍ സാധ്യതയുണ്ടെന്ന് ബിഎംഡബ്ല്യു വക്താവ് പറഞ്ഞു. 323ഐ, 328ഐ സെഡാനുകളും 323സിഐ, 328സിഐ കൂപ്പുകളും ഉള്‍പ്പെടുന്നതാണ് വാഹനങ്ങളുടെ പട്ടിക.
തിരിച്ചുവിളിക്കുന്ന വാഹനങ്ങളുടെ ഏറ്റവും പുതിയ അപ്ഡേറ്റുകള്‍ കാണുന്നതിന് ഉപയോക്താക്കള്‍ക്ക് കമ്പനിയുടെ വെബ്സൈ സന്ദര്‍ശിക്കാമെന്ന് കമ്പനി വക്താവ് പറഞ്ഞു.
റിപ്പോർട്ട്: മൊയ്തീന്‍ പുത്തന്‍‌ചിറ
