മൾട്ടിസ്റ്റാർ സാനിധ്യത്തിലൂടെ എത്തുന്ന വിരുന്ന് എന്ന ചിത്രത്തിന്‍റെ ഒഫീഷ്യൽ ടീസർ എത്തി. കണ്ണൻ താമരക്കുളം സംവിധാനം ചെയ്യുന്ന ഈ ചിത്രം നിർമിക്കുന്നത് നെയ്യാർ ഫിലിംസിന്‍റെ ബാനറിൽ അഡ്വ. ഗിരീഷ് നെയ്യാറാണ്. തെന്നിന്ത്യൻ ആക്ഷൻ ഹീറോ അർജുൻ കേന്ദ്ര കഥാപാത്രത്തെ അവതരിപ്പിക്കുന്ന ഈ ചിത്രത്തിൽ ദക്ഷിണേന്ത്യൻ ഭാഷകളിലെല്ലാം ഏറെ തിരക്കുള്ള നടി നിക്കിഗൽറാണി നായികയാകുന്നതും ഏറെ ആകർഷകമാക്കുന്നു.
ഏറെ ദുരുഹതകൾ ഒരുക്കിക്കൊണ്ടാണ് കണ്ണൻ താമരക്കുളം ഈ ടീസർ ഒരുക്കിയിരിക്കുന്നതെന്ന് ടീസർ ശ്രദ്ധിച്ചാൽ മനസിലാകും. പ്രേക്ഷകർ ഏറെ കൗതുകമായിത്തന്നെ ഈ ടീസറിന്നെ ഏറ്റെടുത്തു എന്നാണ് സോഷ്യൽ മീഡിയയിൽ ഇതിന്‍റെ പ്രതികരണം എത്തിയിരിക്കുന്നത്.
ഉദ്വേഗവും, സസ്പെൻസുമൊക്കെ ഈ ടീസറിൽ വ്യക്തമാകുന്നു. ഇത് ഈ ചിത്രത്തിന്‍റെ പൊതുസ്വഭാവം തന്നെയാണന്നത് വ്യക്തം. ഓഗസ്റ്റ് ഇരുപത്തിമൂന്നിന് പ്രദർശനത്തിനെത്തുന്ന ഈ ചിത്രത്തിന്‍റെ പ്രൊമോഷന്‍റെ ഭാഗമായിട്ടാണ് ഈ ടീസർ പുറത്തുവിട്ടിരിക്കുന്നത്. മുകേഷ്, ഗിരീഷ് നെയ്യാർ, അജു വർഗീസ്, ബൈജു സന്തോഷ്, എന്നിവരും മുഖ്യമായ വേഷമണിയുന്നു. ധർമ്മജൻ ബോൾഗാട്ടി, ഹരീഷ് പേരടി, അജയ് വാസുദേവ്, സോനാ നായർ എന്നിവരും പ്രധാന താരങ്ങളാണ്.
തിരക്കഥ -ദിനേശ് പള്ളത്ത്. ഗാനങ്ങൾ- കൈതപ്രം, റഫീഖ് അഹമ്മദ്, സംഗീതം- രതീഷ് വേഗ, സാനന്ദ് ജോർജ്, പശ്ചാത്തല സംഗീതം- റോണി റാഫേൽ. ഛായാഗ്രഹണം- രവിചന്ദ്രൻ, എഡിറ്റിംഗ്- വി. റ്റി. ശ്രീജിത്ത്. കലാസംവിധാനം- സഹസ് ബാല. മേക്കപ്പ്- പ്രദീപ് രംഗൻ. കോസ്റ്റ്യും ഡിസൈൻ- അരുൺ മനോഹർ. നിശ്ചല ഛായാഗ്രഹണം- ശ്രീജിത്ത് ചെട്ടിപ്പടി. ചീഫ് അസോസിയേറ്റ് ഡയറക്ടർ- സുരേഷ് ഇളമ്പൽ. പ്രൊഡക്ഷൻ എക്സിക്യൂട്ടീവ്- അഭിലാഷ് അർജുൻ. നിർമാണ നിർവഹണം- അനിൽ അങ്കമാലി, രാജീവ് കുടപ്പനക്കുന്ന്. പിആർഒ- വാഴൂർ ജോസ്.
