കടുത്തുരുത്തി: തലയോലപ്പറമ്പിൽ ലോഡ്ജ് കേന്ദ്രീകരിച്ചു കഞ്ചാവ് കച്ചവടം നടത്തിയ യുവാക്കൾ എക്സൈസ് പിടിയിൽ. മുട്ടുചിറ ചെത്തുകുന്നേൽ വീട്ടിൽ അനന്ദു പ്രദീപ് (21), കടുത്തുരുത്തി വെള്ളാശ്ശേരി പൂവത്തുങ്കൽ വീട്ടിൽ വിശാഖ് ബാബു (21), കോട്ടയം തോട്ടയ്ക്കാട് പോങ്ങത്താനം പാണ്ടൻചിറ വീട്ടിൽ ബിനിൽ ജേക്കബ് (21)എന്നിവരെയാണ് 50 ഗ്രാം കഞ്ചാവുമായി പിടികൂടിയത്.
പ്രതികൾക്കെതിരെ എൻ.ഡി.പി.എസ്. ആക്ട് പ്രകാരം കേസ് എടുത്തു. തമിഴ്നാട്ടിൽ നിന്ന് കഞ്ചാവ് വാങ്ങി ചെറിയ പൊതികളായി ബുഷ് എന്നപേരിൽ വില്പന നടത്തുന്നതാണ് ഇവരുടെ രീതി. ലോഡ്ജിലെ റൂമിൽ കഞ്ചാവ് പൊതികളിലാക്കി കൊണ്ടിരിക്കുമ്പോൾ ആണ് ഇവരെ പിടികൂടുന്നത്.
വൈക്കം എക്സൈസ് സർക്കിൾ ഇൻസ്‌പെക്ടറുടെ നേതൃത്വത്തിൽ നടത്തിയ റെയ്‌ഡിൽ അസിസ്റ്റന്റ് എക്സൈസ് ഇൻസ്‌പെക്ടർ കെ.എസ്. അനിൽകുമാർ, പ്രിവന്‍റീവ് ഓഫീസർ എം.ജെ. അനൂപ്, സിവിൽ എക്സൈസ് ഓഫീസർമാരായ പി. രതീഷ്‌കുമാർ,എസ്. ശ്യാംകുമാർ, എസ്. അജയകുമാർ, എസ്. സനൽ, ഡ്രൈവർ സാജു എന്നിവർ പങ്കെടുത്തു.
