മു​സിരിസ് പൈ​തൃ​ക പ​ദ്ധ​തി മാ​നേ​ജിം​ഗ് ഡ​യ​റ​ക്ടറെ കൈയേറ്റം ചെയ്ത പ്രതി പിടിയിൽ

കൊ​ടു​ങ്ങ​ല്ലൂ​ർ: മു​സ​രീ​സ് പൈ​തൃ​ക പ​ദ്ധ​തി മാ​നേ​ജിം​ഗ് ഡ​യ​റ​ക്ട​ർ പി.​എം. നൗ​ഷാ​ദി​നെ കൈ​യേ​റ്റം ചെ​യ്ത കേ​സി​ൽ ഒ​ളി​വി​ലാ​യി​രു​ന്ന പ്ര​തി​യെ കൊ​ടു​ങ്ങ​ല്ലൂ​ർ പോ​ലീ​സ് അ​റ​സ്റ്റു​ചെ​യ്തു. പു​ത്ത​ൻ​വേ​ലി​ക്ക​ര പ​ഞ്ചാ​യ​ത്തി​ലെ തി​രു​ത്തൂ​ർ സ്വ​ദേ​ശി ക​ള​ത്തി​പ​റ​ന്പിൽ രാ​ജു മ​ക​ൻ ദി​വി​ൻ​രാ​ജി(30)​നെ​യാ​ണ് എ​സ്ഐ ഇ.​ആ​ർ.​ബൈ​ജു അ​റ​സ്റ്റു​ചെ​യ്ത​ത്. ക​ഴി​ഞ്ഞ 30നാ​ണ് കേ​സി​നാ​സ്പ​ദ​മാ​യ സം​ഭ​വം.

മു​സ​രീ​സ് പൈ​തൃ​ക പ​ദ്ധ​തി പ്ര​ദേ​ശ​മാ​യ കോ​ട്ട​പ്പു​റ​ത്ത് അ​ന​ധി​കൃ​ത​മാ​യി കെ​ട്ടി​ടം നി​ർ​മി​ക്കാ​ൻ ക​രി​ങ്ക​ൽ​പാ​ളി​ക​ൾ അ​ട​ർ​ത്തി മാ​റ്റി​യ​തി​ന്‍റെ ചി​ത്രം എ​ടു​ക്കു​ക​യും സ്ഥ​ലം കൈ​യേ​റി​യ​തി​നെ​ക്കു​റി​ച്ച് അ​ന്വേ​ഷ​ണം ന​ട​ത്തു​ക​യും ചെ​യ്ത പി.​എം.​നൗ​ഷാ​ദി​ന്‍റെ മൊ​ബൈ​ൽ ഫോ​ണ്‍ പി​ടി​ച്ചു​വാ​ങ്ങു​ക​യും കൊ​ല്ലു​മെ​ന്നു ഭീ​ഷ​ണി​പ്പെ​ടു​ത്തു​ക​യും ചെ​യ്യു​ക​യാ​യി​രു​ന്നു.

സം​ഭ​വ​ത്തെ തു​ട​ർ​ന്ന് നൗ​ഷാ​ദ് കൊ​ടു​ങ്ങ​ല്ലൂ​ർ പോ​ലീ​സി​ൽ പ​രാ​തി ന​ൽ​കി​യ​തി​നെ തു​ട​ർ​ന്ന് പോ​ലീ​സ് കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചെ​ങ്കി​ലും പ്ര​തി പോ​ലീ​സി​നു പി​ടി​കൊ​ടു​ക്കാ​തെ ഒ​ള​വി​ൽ പോ​വു​ക​യാ​യി​രു​ന്നു. തു​ട​ർ​ന്ന് മു​ൻ​കൂ​ർ ജാ​മ്യ​ത്തി​നാ​യി ഹൈ​ക്കോ​ട​തി​യെ സ​മീ​പി​ച്ചു​വെ​ങ്കി​ലും അ​ന്വേ​ഷ​ണ ഉ​ദ്യോ​ഗ​സ്ഥ​നു മു​ക​ളി​ൽ കീ​ഴ​ട​ങ്ങാ​ൻ കോ​ട​തി ഉ​ത്ത​ര​വി​ടു​ക​യാ​യി​രു​ന്നു. ഇ​തി​നെ തു​ട​ർ​ന്നാ​ണ് ഇ​യാ​ൾ പോ​ലീ​സി​ൽ കീ​ഴ​ട​ങ്ങി​യ​ത്.