തലശേരി:പട്ടാപ്പകൽ നഗരമധ്യത്തിൽ മുഖത്ത് മുളക് പൊടി വിതറി എട്ട് ലക്ഷം കവർന്ന കേസിൽ പ്രധാന പ്രതി പിടിയിൽ.
കണ്ണൂർ വാരം സ്വദേശി അഫ്സലിനെ (27) നെയാണ് തലശേരി സിഐ സനിൽകുമാറിന്‍റെ നേതൃത്വത്തിലുള്ള പോലീസ് സംഘം ആസൂത്രിത നീക്കത്തിലൂടെ വലയിലാക്കിയത്.
കഴിഞ്ഞ രണ്ടാഴ്ചയായി പല ജില്ലകളിലൂടെയും കറങ്ങി നടന്ന സംഘത്തലവനെ മൊബൈൽ ടവർ കേന്ദ്രീകരിച്ച് പിന്തുടർന്ന പോലീസ് സംഘം വയനാട്ടിൽ നിന്ന് ഇന്ന് പുലർച്ചെ പിടികൂടുകയായിരുന്നു.
കേസിലെ മുഖ്യസൂത്രധാരനെന്ന് സംശയിക്കുന്ന ഇയാളെ രാവിലെ പതിനൊന്നോടെ തലശേരി സ്റ്റേഷനിലെത്തിച്ചു.
