കൊല്ലം : നിരവധി കേസുകളില്‍ ഉള്‍പ്പെട്ടയാളെ ചവറ പോലീസ് പിടികൂടി. ചവറ കണ്ടാളച്ചേഴ്ത്ത് പടിഞ്ഞാറ്റതില്‍ അജീഷിനെയാണ് (27) ചവറ എസ്. ഐ സുകേഷിന്‍റെ നേതൃത്വത്തിലുളള സംഘം പടികൂടിയത്.
ഇന്നലെ രാത്രി പുതുക്കാട്ട് അജീഷ് ഉണ്ടെന്നരഹസ്യ വിവരം സി. ഐ എ. നിസാമുദീന് കിട്ടയതിന്‍റെ അടിസ്ഥാനത്തില്‍ പോലീസെത്തി അജീഷിനെ പിടികൂടുകയായിരുന്നു.
2015-ല്‍ തട്ടാശേരിയില്‍ വെച്ച് ബൈക്കില്‍ വരുകയായിരുന്ന ബാലഗോപാല്‍ എന്നയാളെ തടഞ്ഞ് നിര്‍ത്തി തലക്ക് കമ്പി വടി കൊണ്ടടിച്ചതിന് ശേഷം രണ്ടരപ്പവന്‍റെ മാല അജീഷും കാട്ടുകാരും കൂടി കവര്‍ന്നിരുന്നു.
2019-ല്‍ കുളങ്ങര ഭാഗത്തെ ഒരു വീടിന് സമീപത്ത് വെച്ച് മോഹനന്‍പിളള എന്നയാളെ വധിക്കാനും ശ്രമിച്ചതിന്‍റെ പേരില്‍ അജിഷിനെതിരെ കേസുണ്ട്. നിരവധി ക്രിമിനൽ കേസുകളിളും മോഷണ ശ്രമം എന്നീ കേസുകളില്‍ ഉള്‍പ്പെട്ടയാളാണ് അജീഷെന്ന് ചവറ പോലീസ് പറഞ്ഞു.
