ശാസ്താംകോട്ട: ശൂരനാട് വടക്ക് പടിഞ്ഞാറ്റ മുറി ലാൽ ഭവനത്തിൽ സുരേഷ് കുമാറിനേയും ഭാര്യയേയും വീട് കയറി അക്രമിച്ച കേസിലെ പ്രതികളെ ശൂരനാട് പോലീസ് അറസ്റ്റ് ചെയ്തു. പന്മന വടുതല മഠത്തിൽ വീട്ടിൽ രഞ്ചിത്ത് (30) വാഴോലിൽ വീട്ടിൽ സജീവ് (34) പന്മന നെറ്റിയാട്ട് കൈതക്കാട്ട് ഗോവിന്ദ് (25) എന്നിവരെയാണ് അറസ്റ്റ് ചെയ്തത്.
അഴകിയകാവ് ക്ഷേത്രത്തിന് സമീപം നടന്ന അക്രമത്തിന് തുടർച്ചയായിട്ടാണ് പ്രതികൾ ഈ മാസം എട്ടിന് സുരേഷിന്റെ വീട്ടിലെത്തി അക്രമം നടത്തിയത്.സുരേഷ് കുമാറിനും ഭാര്യയ്ക്കും കാലിനും തലയ്ക്കും ഗുരുതരമായി പരിക്കേറ്റ് തിരുവനന്തപുരം മെഡിക്കൽ കോളേജിൽ ചികിത്സയിലായിരുന്നു.
