പ്ര​ണ​യാ​ഭ്യ​ർ​ഥ​ന നി​ര​സി​ച്ച​തി​നു പെ​ണ്‍​കു​ട്ടി​യു​ടെ അ​മ്മ​യ്ക്ക് നേരെ ആക്രമണം; ഇരുപത്തിയഞ്ചുകാരൻ പോലീസ് പിടിയിൽ

തൃ​ശൂ​ർ: പ്ര​ണ​യാ​ഭ്യ​ർ​ഥ​ന നി​ര​സി​ച്ച​തി​ന് പെ​ണ്‍​കു​ട്ടി​യു​ടെ അ​മ്മ​യെ ആ​ക്ര​മി​ച്ച യു​വാ​വി​നെ പോ​ലീ​സ് അ​റ​സ്റ്റു ചെ​യ്തു. കാ​ര്യാ​ട്ടു​ക്ക​ര പെ​ൽ​ത്താ​സ് റോ​ഡി​ൽ ക​രി​പ്പാ​യി വീ​ട്ടി​ൽ സ​ദാ​ന​ന്ദ​ന്‍റെ മ​ക​ൻ അ​മ​ൽ (25) ആ​ണ് വെ​സ്റ്റ് പോ​ലീ​സി​ന്‍റെ പി​ടി​യി​ലാ​യ​ത്.

അ​മ​ലി​ന്‍റെ സ​ഹോ​ദ​ര​ൻ അ​തു​ലു​മൊ​ന്നി​ച്ചാ​ണ് ശ​നി​യാ​ഴ്ച രാ​വി​ലെ എ​ൽ​തു​രു​ത്ത് റോ​ഡി​ൽ അ​തി​ക്ര​മം ന​ട​ത്തി​യ​ത്. അ​തു​ലും അ​മ​ലും ക​ഞ്ചാ​വ് ഉ​പ​യോ​ഗി​ക്കു​ന്ന​വ​രാ​ണെ​ന്നു പോ​ലീ​സ് പ​റ​ഞ്ഞു.

അ​തു​ലി​ന്‍റെ പ്ര​ണ​യാ​ഭ്യ​ർ​ഥ​ന നി​ര​സി​ച്ച പെ​ണ്‍​കു​ട്ടി​യു​ടെ അ​മ്മ​യെ സ്കൂ​ട്ട​ർ ത​ട​ഞ്ഞു​നി​ർ​ത്തി ആ​ക്ര​മി​ക്കു​ക​യാ​യി​രു​ന്നു. മു​ഖ​ത്തും ക​ഴുത്തി​ലും ഇ​ടി​ച്ചു. റോ​ഡി​ൽ ത​ള്ളി​യി​ടു​ക​യും ചെ​യ്തു. പ​രി​ക്കു​ക​ളോ​ടെ സ്ത്രീയെ ജി​ല്ലാ ജ​ന​റ​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രു​ന്നു.

പ​തി​നെ​ട്ടു വ​യ​സു​ള്ള മ​ക​ളെ ക​ഴി​ഞ്ഞ ന​വം​ബ​റി​ലും ആ​ക്ര​മി​ച്ചി​രു​ന്നു. സ്കൂ​ട്ട​ർ ഓ​ടി​ച്ചു​പോ​യി​രു​ന്ന പെൺകുട്ടി​യെ റോ​ഡി​ൽ ത​ട​ഞ്ഞ് സ്കൂ​ട്ട​ർ ച​വി​ട്ടി മ​റി​ച്ചി​ട്ടു.

നി​ല​ത്തു​വീ​ണപ്പോൾ ച​വി​ട്ടി പ​രി​ക്കേ​ൽ​പി​ക്കു​ക​യും ചെ​യ്തി​രു​ന്നു. ഈ ​സം​ഭ​വ​ത്തി​ൽ നേ​ര​ത്തെ കേ​സ് ര​ജി​സ്റ്റ​ർ ചെ​യ്തി​രു​ന്നു. അ​മ​ലി​നെ കോ​ട​തി റി​മാ​ൻ​ഡ് ചെ​യ്ത് ജ​യി​ലി​ലേ​ക്ക​യ​ച്ചു.