മണ്ണാർക്കാട്: സമൂഹമാധ്യമത്തിലൂടെ തെറ്റായ സന്ദേശങ്ങൾ പ്രചരിപ്പിക്കുകയും സാമുദായിക ഐക്യം തകർത്ത് സംഘർഷം ഉണ്ടാക്കാൻ ശ്രമിക്കുകയും ചെയ്തെന്ന കുറ്റത്തിന് യുവാവ് അറസ്റ്റിൽ.എടത്തനാട്ടുകര വട്ടമണ്ണപുറം സ്വദേശി പിലായിത്തൊടി യാസർ അറഫാത്ത് (32) ആണ് അറസ്റ്റിലായത്. പോലീസ് ഇയാളെ വിശദമായി ചോദ്യം ചെയ്തു വരികയാണ്.
സിഐ എം.കെ.സജീവ്, എസ്ഐ ജെ.പി.അരുണ്‍കുമാർ, സിപിഒമാരായ പ്രിൻസ്, ഷാഫി, സഹദ്, ജ്യോതി എന്നിവരടങ്ങിയ സംഘമാണ് ഇയാളെ അറസ്റ്റ് ചെയ്തത്.സമൂഹമാധ്യമങ്ങൾ കർശനമായി നിരീക്ഷിച്ചുവരികയാണെന്നും ഇത്തരത്തിൽ തെറ്റായ സന്ദേശങ്ങൾ പ്രചരിപ്പിക്കുന്നവർക്കെതിരെ ജാമ്യമില്ലാ കുറ്റം ചുമത്തി കൂടുതൽ അറസ്റ്റുകൾ ഉണ്ടാവുമെന്നും മണ്ണാർക്കാട് പോലീസ് അറിയിച്ചു.
