പാനൂർ: പോലീസ് ജീപ്പ് ആക്രമിച്ച കേസിലും സി പി എം പ്രവർത്തകനെ വധിക്കാൻ ശ്രമിച്ച കേസിലും പ്രതികളായ മൂന്ന് ബിജെപി പ്രവർത്തകർ അറസ്റ്റിൽ. വടക്കെ പൊയിലൂരിലെ ആദർശ് (22), ശ്രീജിത്ത് (28), ധനീഷ് (30) എന്നിവരെയാണ് കൊളവല്ലൂർ സി ഐ ബോബിൻ മാത്യു അറസ്റ്റ് ചെയ്തത്.
കഴിഞ്ഞ ജനുവരി മൂന്നിന് പെട്രോളിംഗ് നടത്തിയിരുന്ന പോലീസ് ജീപ്പ് വടക്കെ പൊയിലൂരിൽ വച്ച് ആക്രമിക്കപ്പെട്ടിരുന്നു. അതിനു മുന്പ് ഡിസംബർ 30നു വടക്കെ പൊയിലൂരിലെ സി പി എം പ്രവർത്തകൻ അനിൽ കുമാറിനു നേരെ വധ ശ്രമവും നടന്നിരുന്നു. ഈ രണ്ടു കേസിലും പ്രതികളായവരാണ് പിടിയിലായതെന്ന് പോലീസ് പറഞ്ഞു.
