ബിവറേജിൽ ക്യൂവിന് നീളം കൂടുമ്പോൾ, മ​ദ്യ​പാ​നി​ക​ളു​ടെ ര​ക്ഷ​ക​നാ​യി എത്തും;  100 രൂപ അധികം നൽകിയാൽ സാധനം കൈയിൽ കിട്ടും; ഇത്തവണ വാങ്ങിയവർ നൽകിയത് കണ്ട് ഞെട്ടി ബോസി…

കോ​ട്ട​യം: പാ​ലാ​യി​ൽനി​ന്ന് എ​ക്സൈ​സ് പൊ​ക്കി​യ​തു സ​മാ​ന്ത​ര ബി​വ​റേ​ജ​സ് ന​ട​ത്തി​യ​ ആളെ.പാ​ലാ നീ​ലൂ​ർ സ്വ​ദേ​ശി ബോ​സി വെ​ട്ടു​കാ​ട്ടി​ലി​നെ(47)​യാ​ണ് എ​ക്സൈ​സ് പി​ടി​കൂ​ടി​യ​ത്.

പാ​ലാ​യ്ക്കും സ​മീ​പ പ്ര​ദേ​ശ​ങ്ങ​ളി​ലു​മു​ള്ള ബി​വ​റേജ​സ് ഷോ​പ്പു​ക​ളി​ൽ വ​ലി​യ തോ​തി​ലു​ള്ള ക്യൂ ​ഉ​ണ്ടാ​യാ​ൽ മ​ദ്യ​പാ​നി​ക​ളു​ടെ ര​ക്ഷ​ക​നാ​യി ബോ​സി അ​വ​ത​രി​ ക്കും.

ആ​വ​ശ്യ​ക്കാ​ർ​ക്ക് ബി​വ​റേ​ജ​സി​ലെ ക്യൂവി​ൽ നി​ന്നു ബു​ദ്ധി​മു​ട്ടാ​തെ കു​പ്പി ബോ​സി​യു​ടെ കൈ​യി​ൽ നി​ന്നും വാ​ങ്ങാം.പാ​ലാ​യി​ൽ വി​വി​ധ ബി​വ​റേ​ജ​സി​നു സ​മീ​പ​ത്ത് ബോ​സി നാ​ളു​ക​ളാ​യി മ​ദ്യ​ക്ക​ച്ച​വ​ടം ന​ട​ത്തി​വ​രി​ക​യാ​യി​രു​ന്നു.

ഇ​തി​നി​ട​യി​ലാ​ണ് എ​ക്സൈ​സി​നു ബി​വ​റേ​ജ​സി​നു സ​മീ​പം ഒ​രാ​ൾ മ​ദ്യ​ക്ക​ച്ച​വ​ടം ന​ട​ത്തു​ന്ന​താ​യി ര​ഹ​സ്യ​വി​വ​രം ല​ഭി​ച്ച​ത്. ഇ​തോ​ടെ നി​രീ​ക്ഷ​ണം ആ​രം​ഭി​ച്ചു.

പാ​ലാ​യ്ക്കും സ​മീ​പ പ്ര​ദേ​ശ​ങ്ങ​ളി​ലു​മു​ള്ള നി​ര​വ​ധി ബി​വ​റേ​ജ​സ് ഒൗ​ട്ട‌്‌‌ലെറ്റു​ക​ൾ​ക്കു മു​ന്നി​ൽ എ​ക്സൈ​സ് സം​ഘാം​ഗ​ങ്ങ​ൾ ദി​വ​സ​ങ്ങ​ളാ​യി നി​രീ​ക്ഷ​ണം ന​ട​ത്തി​വ​രി​ക​യാ​യി​രു​ന്നു.

ഇ​ന്ന​ലെ പാ​ലാ-ക​ട്ട​ക്ക​യം റോ​ഡി​ലു​ള്ള ബി​വ​റേ​ജ​സ് ഷോ​പ്പി​നു മു​ന്നി​ൽ വ​ൻ തി​ര​ക്കു​ണ്ടാ​യ​തോ​ടെ ബോ​സി കു​പ്പി​യു​മാ​യി അ​വി​ട​യെ​ത്തി. ഈ ​സ​മ​യം എ​ക്സൈ​സ് അ​ധി​കൃ​ത​ർ മ​ഫ്തി​യി​ൽ ക്യൂവി​ൽ നി​ല്ക്കാ​തെ മ​ദ്യം വാ​ങ്ങു​ന്ന​തി​നാ​യി സ്ഥ​ല​ത്തു​ണ്ടാ​യി​രു​ന്നു.

എ​ക്സൈ​സ് ഉ​ദ്യോ​ഗ​സ്ഥ​രാണെ​ന്ന് അ​റി​യാ​തെ ഇ​വ​രു​ടെ അ​ടു​ത്തെ​ത്തി 100 രൂ​പ അ​ധി​കം ന​ല്കി​യാ​ൽ മ​ദ്യം ന​ല്കാ​മെ​ന്ന് അ​റി​യി​ച്ചു.ഇ​തോ​ടെ എ​ക്സൈ​സ് ഉ​ദ്യോ​ഗ​സ്ഥ​ൻ മ​ദ്യം വാ​ങ്ങു​ക​യും മ​റ്റു ഉ​ദ്യോ​ഗ​സ്ഥ​രെ​ത്തി ബോ​സി​യെ പി​ടി​കൂ​ടു​ക​യും ചെ​യ്തു.

ബോ​സി​ന്‍റെ പ​ക്ക​ലു​ണ്ടാ​യി​രു​ന്ന സ​ഞ്ചി​യി​ലും ധ​രി​ച്ചി​രു​ന്ന വ​സ്ത്ര​ത്തി​നു​ള്ളി​ലു​മാ​യി​രു​ന്ന 4.25 ലിറ്റ​ർ മ​ദ്യ​വും എ​ക്സൈ​സ് പി​ടി​ച്ചെ​ടു​ത്തു.

പാ​ലാ എ​ക്സൈ​സ് റേ​ഞ്ച് ഓ​ഫീ​സി​ലെ പ്രി​വ​ന്‍റീ​വ് ഓ​ഫീ​സ​ർ ആ​ന​ന്ദ് രാ​ജും സം​ഘ​വും ചേ​ർ​ന്നാ​ണ് ബോ​സി​നെ പി​ടി​കൂ​ടി​യ​ത്.