എടത്വ: വാറ്റ് കേന്ദ്രം റെയ്ഡ് ചെയ്ത് വന്‍ശേഖരം പിടിച്ചു. രണ്ട് പ്രതികള്‍ എടത്വ പോലീസിന്‍റെ കസ്റ്റഡിയില്‍. എടത്വ കോഴിമുക്ക് കറുകയില്‍ വില്‍സണ്‍ (48), കോഴിമുക്ക് കന്യേക്കോണില്‍ ഷൈജുമോന്‍ (42) എന്നിവരാണ് പോലീസിന്‍റെ കസ്റ്റഡിയിലായത്. ഒരാള്‍ പോലീസിനെ വെട്ടിച്ച് കടന്നുകളഞ്ഞു.
പോലീസിന് ലഭിച്ച രഹസ്യ വിവരത്തെ തുടര്‍ന്ന് നടത്തിയ റെയ്‌ഡിലാണ് പ്രതികള്‍ പിടിയിലായത്. ഇവരുടെ കൈയില്‍ നിന്ന് 120 ലിറ്റര്‍ കോടയും, വാറ്റ് ഉപകരണവും, മൂന്നോളം ഗ്യാസ് സിലിണ്ടറുകളും പിടികൂടി.
കഴിഞ്ഞ ഏതാനും ദിവസങ്ങളായി പോലീസ് നടത്തുന്ന മിന്നല്‍ പരിശോധനയില്‍ എട്ട് പ്രതികള്‍ പിടിയിലായിട്ടുണ്ട്.എടത്വ സിഐ പ്രതാപചന്ദ്രന്‍, എസ്‌ഐ ശ്യംനിവാസ്, എഎസ്‌ഐമാരായ സോബി ചാക്കോ, സജി, സീനിയര്‍ സിപിഒമാരായ സുനില്‍, ശ്രീകുമാര്‍, സിപിഒമാരായ സഫീര്‍, ഇര്‍ഷാദ്, അനസ്, സതീഷ് എന്നിവര്‍ റെയ്ഡിന് നേതൃത്വം നല്‍കി.
