ചെന്നൈ: നിർത്തിയിട്ടിരുന്ന ഓട്ടോയിൽ കാർ ഇടിച്ച് ഓട്ടോ ഡ്രൈവർക്ക് പരിക്കേറ്റ സംഭവത്തിൽ തമിഴ്നടൻ വിക്രത്തിന്‍റെ മകൻ ധ്രുവ് അറസ്റ്റിൽ. ഞായറാഴ്ച പുലർച്ചെ 3.50 ന് ടിടികെ റോഡിലായിരുന്നു അപകടം.
അശ്രദ്ധമായി വാഹനം ഓടിച്ച് അപകടം ഉണ്ടാക്കിയതിനു ദ്രുവിനെതിരെ പോലീസ് കേസെടുത്തു. ദ്രുവിനെ പിന്നീട് സ്റ്റേഷൻ ജാമ്യത്തിൽ വിട്ടയച്ചു. പരിക്കേറ്റ ഓട്ടോ ഡ്രൈവർ കമേഷിനെ സമീപത്തെ ആശുപത്രിയിൽ പ്രവേശിപ്പിച്ചു. അപകടത്തിൽ ഓട്ടോ പൂർണമായും തകർന്നു.
