എടത്വ: ലോട്ടറി വിൽപ്പനക്കാരനെ കാർ ഇടിപ്പിച്ച് ബാഗ് തട്ടിയെടുത്ത പ്രതികൾ പോലീസിന്റെ പിടിയിലായി. തിരുവനന്തപുരം കാട്ടാക്കടയിൽനിന്നാണ് എടത്വ പോലീസ് പ്രതികളെ പിടികൂടിയത്.
തിരുവനന്തപുരം കാട്ടാക്കട കുളത്തുമ്മേൽ അഭിലാഷ് (30), സുരേഷ് ഭവനിൽ ജോണ് (കണ്ണൻ-28), പുത്തൻവീട്ടിൽ ലിനു (ബിനുക്കുട്ടൻ-44) എന്നിവരാണ് പോലീസിന്റെ പിടിയിലായത്.
കഴിഞ്ഞ ശനിയാഴ്ച പുലർച്ചെ 6.30 ന് എടത്വ അന്പ്രമൂലയിൽ കാറിലെത്തിയ മൂവർസംഘം ലോട്ടറി വിൽപ്പനക്കാരനായ മിത്രക്കരി കൈലാസം ഗോപകുമാറിനെ (53) മർദിച്ച് ബാഗ് തട്ടിയെടുത്ത്് കടന്നുകളയുകയായിരുന്നു.
സിസിറ്റിവി ദൃശ്യം പരിശോധിച്ച പോലീസിന് ആലപ്പുഴ പെട്രോൾ പന്പിൽ എത്തിയതായി സൂചന ലഭിച്ചു. ജില്ലാ പോലീസ് മേധാവിയുടെ നിയന്ത്രണത്തിലുള്ള പോലീസ് കണ്ട്രോൾ കാമറയിൽ ഓച്ചിറ ഭാഗത്തുവച്ച് കാറിന്‍റെ ചിത്രം പതിഞ്ഞു.
ജില്ലാ പോലീസ് മേധാവി ജി. ജയദേവിന്‍റെ നിർദേശ പ്രകാരം സംസ്ഥാന സ്പെഷൽ സ്ക്വാഡിനു നിർദേ ശം കൈമാറി. സ്പെഷൽ സ് ക്വാഡിന്‍റെ അന്വേഷണത്തിൽ കാർ തിരുവനന്തപുരം കാട്ടാക്കട ഭാഗത്തുനിന്ന് കണ്ടെത്തി.
ഡിവൈഎസ്പി സുരേഷ് കുമാർ എസ്.റ്റിയുടെ നേതൃത്വത്തിൽ അന്വേഷണ സംഘം രൂപീകരിച്ച് നടത്തിയ അന്വഷണത്തിൽ ബുധനാഴ്ച രാത്രി 8.30 ഓടെ പ്രതികൾ സഞ്ചരിച്ചിരുന്ന കാറും പ്രതികളേയും പോലീസ് പിടികൂടി.
പ്രതികൾ സഞ്ചരിച്ചിരുന്ന കാറിന്‍റെ പിന്നിൽ കർട്ടൻ ഇട്ടിരുന്നതാണ് പ്രതികളെ പിടികൂടാൻ സഹായിച്ചത്.കാറിലെത്തിയ സംഘം ഗോപകുമാറിനോട് റോഡിൽ വെള്ളം കെട്ടിക്കിടക്കുന്നുണ്ടോയെന്ന് തിരക്കി.
ഇല്ലന്ന് പറഞ്ഞതോടെ കാറിലെത്തിയവർ അല്പ ദൂരം മുന്നോട്ട് പോയിട്ട് തിരികെ വന്നു. എടത്വ ജംഗ്ഷനിലേക്കാണെങ്കിൽ കാറിൽ കയറിയാൽ അവിടെ വിടാമെന്ന് അറിയിച്ചതിനെ തുടർന്ന് ഗോപകുമാർ കാറിൽ കയറി.
അൻപത് മീറ്റർ ദൂരെ എത്തിയപ്പോൾ വിജനമായ സ്ഥലത്തു ഗോപകുമാറിനെ പുറത്തേക്ക് വലിച്ചിട്ടു. എതിർക്കാൻ ശ്രമിച്ച ഗോപകുമാറിനെ കാറിടിച്ച് വീഴ്ത്തി മൂവരും കടന്നു കളഞ്ഞിരുന്നു.
ഗോപകുമാറിന്റെ കാലിന് ഒടിവ് സംഭവിച്ചിരുന്നു. ഇയാൾ വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലാണ്. പ്രതികളെ ഇന്ന് കോടതിയിൽ ഹാരാക്കും.
എടത്വ സിഐ ആനന്ദബാബു, എസ്ഐ ഷാംജി, സീനിയർ സിപിഒ ഗോപൻ, സിപിഒമാരായ പ്രേംജിത്ത്, ശ്യംകുമാർ, സനീഷ് എന്നിവർ അന്വഷണത്തിന് നേതൃത്വം വഹിച്ചു.
