കൊട്ടാരക്കര: നഗരത്തിലെ ഇലക്ട്രോണിക്സ് കടയിലെ ജീവനക്കാര്‍ പോലീസിനെ ആക്രമിച്ചു. അക്രമത്തിന് നേതൃത്വം നല്‍കിയ നാല് ജീവനക്കാരെ പോലീസ് കസ്റ്റഡിയിലെടുത്തു.
പുലമണ്‍ – തിരുവനന്തപുരം റോഡിലെ പ്രമുഖ സ്ഥാപനത്തിലെ ജീവനക്കാരായ മുണ്ടക്കയം സ്വദേശി അശ്വിന്‍, ഇളമാട് സ്വദേശികളായ ആല്‍ബിന്‍, പ്രവീണ്‍, അര്‍ക്കന്നൂര്‍ സ്വദേശി വിഷ്ണു എന്നിവരെയാണ് പോലീസ് അറസ്റ്റ് ചെയ്തത്.
രാത്രിയില്‍ സഥാപനം അടച്ചശേഷം മുന്നിലിരുന്ന് ജീവനക്കാര്‍ മദ്യപിക്കുകയും സംഘര്‍ഷം ഉണ്ടാവുകയും ചെയ്തു. സംഭവം അറിഞ്ഞ് പട്രോളിംഗ് ഡ്യൂട്ടിയിലുണ്ടായിരുന്ന പോലീസെത്തി അനുനയിപ്പിക്കാന്‍ ശ്രമിച്ചതോടെ പോലീസിന് നേരെയായി ആക്രമണം.
ഗുണ്ടാ സ്‌റ്റൈലില്‍ സംഘം ചേര്‍ന്ന ഇവര്‍ പൊലീസിന് നേരെ അക്രമം അഴിച്ച് വിട്ടു. വിവരം അറിഞ്ഞ് കൂടുതല്‍ പോലീസെത്തി നാല് പേരെ അറസ്റ്റ് ചെയ്തു.
