കൊല്ലം: ചാത്തന്നൂര്‍ റേഞ്ച് എക്സൈസ് ഇന്‍സ്‌പെക്ടര്‍ എസ് നിജുമോന്‍റെ നേതൃത്വത്തില്‍ നടന്ന റെയ്ഡില്‍ കഞ്ചാവ് പൊതികളുമായി അഞ്ചുപേര്‍ അറസ്റ്റില്‍. മീനാട് തൊടിയില്‍ വീട്ടില്‍ അച്ചു സതീശന്‍(19), ചിറക്കര വിളപ്പുറം താഴംതെക്ക് മംഗലത്ത് തെക്കതില്‍ വീട്ടില്‍ സുബാഷ്(20), ചിറക്കര വില്ലേജില്‍ ആരാധനമുക്ക് ആര്യാഭവനില്‍ സുജിത്ത്(20), ചിറക്കര വിളപ്പുറം താഴംതെക്ക് വട്ടവിള പുത്തന്‍ വീട്ടില്‍ അഭിജിത്ത്(19), ചിറക്കര ഉളിയനാട് വിലയമഠത്തില്‍ വീട്ടില്‍ സജി(20) എന്നിവരാണ് കഞ്ചാവ് പൊതികളുമായി അറസ്റ്റിലായത്.
എക്സൈസ് ഇന്‍സ്‌പെക്ടറോടൊപ്പം പ്രിവന്റീവ് ഓഫിസര്‍മാരായ വിജയകൃഷ്ണന്‍, വിധുകുമാര്‍, അരുണ്‍, സിഇഒമാരായ ശ്രീകുമാര്‍, സിജില്‍, സുനില്‍കുമാര്‍, ജ്യോതി, നഹാസ്, ബിജോയ്, ശ്യാംകുമാര്‍, സൂര്യ, ബിന്ദുലേഖ എന്നിവരും സംഘത്തിലുണ്ടായിരുന്നു.
