മ​ര​ണ​വീ​ടു​ക​ളി​ൽ എ​ത്തി ബ​ന്ധു​ക്ക​ളോ​ടൊ​പ്പം ക​ര​ഞ്ഞ് സ​ഹ​താ​പം നേടും; പിന്നീട് വീടിന കത്ത് കയറിപ്പറ്റി മോഷണം നടത്തും; തട്ടിപ്പിന് പറ്റിയവീട് കണ്ടെത്തുന്നത് ചരമപേജ് നോക്കി; ഫ്രാൻസിസിന്‍റെ തട്ടിപ്പിനെക്കുറിച്ചറിയാം..

കോ​ട്ട​യം: മ​ര​ണ​വീ​ടു​ക​ളി​ൽ എ​ത്തി ബ​ന്ധു​ക്ക​ളോ​ടൊ​പ്പം ക​ര​ഞ്ഞ് ആ​ളു​ക​ളു​ടെ സ​ഹ​താ​പം പി​ടി​ച്ചു​പ​റ്റി ഒ​ടു​വി​ൽ മോ​ഷ​ണം ന​ട​ത്തു​ന്ന നി​ര​വ​ധി കേ​സു​ക​ളി​ൽ പ്ര​തി​യാ​യ വി​രു​ത​ൻ ഒ​ടു​വി​ൽ പി​ടി​യി​ലാ​യി. പ​ടി​ഞ്ഞാ​റെ പി​ണ്ണാ​ക്ക​നാ​ട് അ​ന്പാ​ട്ട് വീ​ട്ടി​ൽ ച​ക്ക​ര എ​ന്ന ഫ്രാ​ൻ​സി​സ് (34) ആ​ണ് അ​റ​സ്റ്റി​ലാ​യ​ത്. ഇ​ന്ന​ലെ മു​ത്തോ​ലി​യി​ലു​ള്ള പു​തി​യാ​ത്ത് വീ​ട്ടി​ൽ സ​ഖ​റി​യാ​സ് പി.​ജോ​സ​ഫി​ന്‍റെ അ​മ്മ കു​ട്ടി​യ​മ്മ മ​രി​ച്ച വീ​ട്ടി​ലെ​ത്തി സം​സ്കാ​ര ച​ട​ങ്ങി​നി​ട​യി​ൽ മോ​ഷ​ണം ന​ട​ത്തു​വാ​ൻ ശ്ര​മി​ക്കു​ന്പോ​ഴാ​ണ് പി​ടി​യി​ലാ​യ​ത്. ഇ​ന്ന​ലെ രാ​വി​ലെ മ​ര​ണ വീ​ട്ടി​ലെ​ത്തി​യ ഫ്രാ​ൻ​സി​സ് ബ​ന്ധു​ക്ക​ളോ​ടൊ​പ്പം ക​ര​യാ​നും മ​റ്റും ചേ​ർ​ന്നു.

മൃ​ത​ദേ​ഹം കു​ളി​പ്പി​ക്കു​ന്ന​തി​നു​ള്ള സാ​ധ​ന​ങ്ങ​ൾ എ​ടു​ത്തു​കൊ​ടു​ക്കാ​നും മ​റ്റും വീ​ടി​നു​ള്ളി​ൽ ക​യ​റി​യ ഇ​യാ​ൾ ബ​ന്ധു​ക്ക​ളു​ടെ പ്രീ​തി പി​ടി​ച്ചു​പ​റ്റി. ഇ​തി​നി​ടെ ചി​ല ബ​ന്ധു​ക്ക​ളോ​ട് 500 രൂ​പ ചോ​ദി​ച്ച​ത് സം​ശ​യ​ത്തി​നി​ട​യാ​ക്കി. അ​തോ​ടെ ചി​ല​ർ ഫ്രാ​ൻ​സി​സി​നെ നി​രീ​ക്ഷി​ക്കാ​ൻ തു​ട​ങ്ങി. പ​ണം കി​ട്ടു​ക​യി​ല്ലെ​ന്നു മ​ന​സി​ലാ​ക്കി​യ ഫ്രാ​ൻ​സി​സ് വീ​ടി​നു​ള്ളി​ൽ ക​യ​റി അ​ല​മാ​ര​യും മ​റ്റും തു​റ​ന്നു നോ​ക്കി​യ​തോ​ടെ വീ​ട്ടു​കാ​രു​ടെ സം​ശ​യം വ​ർ​ധി​ച്ചു. വി​വ​രം പോ​ലീ​സി​ൽ അ​റി​യി​ച്ചു.

പോ​ലീ​സ് എ​ത്തി പി​ടി​കൂ​ടി​യ​പ്പോ​ഴാ​ണ് മു​ൻ മോ​ഷ്ടാ​വാ​ണെ​ന്ന് മ​ന​സി​ലാ​യ​ത്. 20 മോ​ഷ​ണ കേ​സു​ക​ളി​ലെ പ്ര​തി​യാ​ണ് ഇ​യാ​ളെ​ന്ന് പാ​ലാ എ​സ്ഐ രാ​ജ​ൻ കെ ​അ​ര​മ​ന പ​റ​ഞ്ഞു. കു​റെ നാ​ൾ ജ​യി​ൽ ശി​ക്ഷ​യും അ​നു​ഭ​വി​ച്ചി​ട്ടു​ണ്ട്. ച​ങ്ങ​നാ​ശേ​രി, പാ​ലാ ഉ​ൾ​പ്പെ​ടെ നി​ര​വ​ധി സ്റ്റേ​ഷ​നു​ക​ളി​ൽ ഇ​യാ​ൾ​ക്കെ​തി​രേ കേ​സു​ണ്ട്.

രാ​വി​ലെ പ​ത്ര​ത്തി​ലെ ച​രമ വാ​ർ​ത്ത നോ​ക്കി​യാ​ണ് ഇ​പ്പോ​ഴ​ത്തെ മോ​ഷ​ണ​ത്തി​നു​ള്ള ക​ള​മൊ​രു​ക്കു​ന്ന​ത്. മ​ര​ണ വീ​ട്ടി​ലെ​ത്തി സ​ഹാ​യ​ങ്ങ​ൾ ചെ​യ്ത് പ്രീ​തി സ​ന്പാ​ദി​ച്ച ശേ​ഷം മോ​ഷ​ണം ന​ട​ത്തു​ക​യാ​ണ് രീ​തി.
മാ​ല പി​ടി​ച്ചു​പ​റി​ച്ച​തി​നും ഇ​യാ​ൾ​ക്കെ​തി​രേ കേ​സു​ള്ള​താ​യി പോ​ലീ​സ് പ​റ​ഞ്ഞു.