കടുത്തുരുത്തി: ലോട്ടറിക്കട കുത്തിത്തുറന്നു പണം മോഷ്ടിച്ച കേസില്‍ ഒരാളെ പോലീസ് അറസ്റ്റ് ചെയ്തു. ളാലം പന്ത്രണ്ടാംമൈല്‍, കടയം ഭാഗത്ത് ഉറുമ്പില്‍ ബാബു (57) വിനെയാണു കടുത്തുരുത്തി പോലീസ് അറസ്റ്റ് ചെയ്തത്.
ഇയാള്‍ ഇന്നലെ പുലര്‍ച്ചെ കുറുപ്പന്തറ ജംഗ്ഷനില്‍ പ്രവര്‍ത്തിക്കുന്ന ലോട്ടറി കടയുടെ പൂട്ടു തകര്‍ത്തു കടയ്ക്കുള്ളില്‍ സൂക്ഷിച്ചിരുന്ന 4,000 രൂപ മോഷ്ടിച്ചു കടന്നുകളയുകയായിരുന്നു.
വിവരമറിഞ്ഞ് പോലീസ് പുലര്‍ച്ചെ നടത്തിയ ശക്തമായ തിരച്ചിലില്‍ മണിക്കൂറുകള്‍ക്കുള്ളില്‍ മോഷ്ടിച്ച പണവുമായി ഇയാളെ പിടികൂടുകയായിരുന്നു. പ്രതിക്ക് കാഞ്ഞിരപ്പള്ളി, കോതമംഗലം സ്റ്റേഷനുകളില്‍ മോഷണക്കേസുണ്ട്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
