തിരുവല്ല: വാടകവീട്ടില്‍ ഫാന്‍ നന്നാക്കാനെത്തി മേലുദ്യോഗസ്ഥയെ കടന്നുപിടിച്ച പോസ്റ്റ്മാന്‍ അറസ്റ്റിലായി. തിരുവല്ല ഹെഡ്‌പോസ്റ്റ് ഓഫീസിലെ പോസ്റ്റ് മാന്‍ കുറ്റപ്പുഴ ബിജിനി വില്ലയില്‍ സുധീഷാണ് (44) അറസ്റ്റിലായത്.
ഉദ്യോഗസ്ഥയുടെ താമസസ്ഥലത്തെ ഫാന്‍ തകരാറിലായതിനെ തുടര്‍ന്നാണ് സുധീഷിനെ വിളിച്ചുവരുത്തിയത്. കഴിഞ്ഞ വ്യാഴാഴ്ച വൈകുന്നേരം ആറരയോടെ വീട്ടിലെത്തിയ ഇയാള്‍ ഉദ്യോഗസ്ഥയെ കടന്നുപിടിച്ചെന്നാണ് പരാതി.
ഇവര്‍ ബഹളം വച്ചതോടെ ഇറങ്ങിയോടി ബൈക്കില്‍ രക്ഷപ്പെടുകയായിരുന്നു. ഉദ്യോഗസ്ഥയുടെ പരാതിയെ തുടര്‍ന്നാണ് അറസ്റ്റ്.
തിരുവല്ല ജുഡീഷല്‍ ഒന്നാംക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ സുധീഷിനെ റിമാന്‍ഡ് ചെയ്തു.
