കണ്ണൂർ: പുതിയതെരുവിൽ 25 ലക്ഷം രൂപ വരുന്ന ഹാഷിഷ് ഓയിലുമായി ഒരാൾ അറസ്റ്റിൽ. കണ്ണൂർ എക്സൈസ് എൻഫോഴ്സ്മെന്‍റ് ആൻഡ് ആന്‍റി നാർകോട്ടിക്ക് സ്പെഷൽ സ്ക്വാഡ് എക്സൈസ് സർക്കിൾ ഇൻസ്പെക്ടർ പി.കെ.സതീഷ് കുമാറിന്‍റെ നേതൃത്വത്തിലാണ് സ്കൂട്ടറിൽ കടത്തുകയായിരുന്ന 532 ഗ്രാം ഹാഷിഷ് ഓയിൽ പിടികൂടിയത്.
ചിറക്കൽ പുതിയതെരു പള്ളി ക്വാർട്ടേഴ്സിൽ വാടകയ്ക്കു താമസിക്കുന്ന ടി. പി. റാസിം (25) ആണ് അറസ്റ്റിലായത്. പുതിയതെരു കേന്ദ്രീകരിച്ച് റാസിം മയക്കുമരുന്ന് വില്പന നടത്തുന്നതായി എക്സൈസ്‌സംഘത്തിന് രഹസ്യവിവരം ലഭിച്ചിരുന്നു. തുടർന്ന് ഇയാൾ നിരീക്ഷണത്തിലായിരുന്നു.
പ്രിവന്‍റീവ് ഓഫീസർമാരായ സന്തോഷ് തൂണോളി, വി.കെ.ഷിബു, പി.എം.കെ.സജിത്ത് കുമാർ, സിഇഒ മാരായ രതീഷ് പുരുഷോത്തമൻ, ഉജേഷ്, രമിത്ത് , സുചിത്ര, ഡ്രൈവർ സീനിയർ ഗ്രേഡ് ഇസ്മായിൽ എന്നിവരും പ്രതിയെ പിടികൂടാനുള്ള സംഘത്തിലുണ്ടായിരുന്നു.
