നെടുമങ്ങാട് : പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി പീഡിപ്പിച്ച കേസിലെ പ്രതി അറസ്റ്റിൽ.
കരകുളം മുദിശാസ്താംകോട് ചെക്കാലമുകൾ ഐഎച്ച്ഡിപി കോളനി ഗോൾഡൻ വാലി ഗാർഡൻ ഹൗസ് നമ്പർ നാലിൽ സുരേഷ് (53 )നെയാണ് നെടുമങ്ങാട് പോലീസ് അറസ്റ്റ് ചെയ്തത്.
കഴിഞ്ഞ 19ന് രാത്രി 8.30ന് പെൺകുട്ടിയെ തട്ടിക്കൊണ്ടു പോകുകയായിരുന്നു. നെടുമങ്ങാട് ഡി വൈ എസ്പി ഉമേഷ് കുമാറിന്‍റെ നിർദേശാനുസരണം
നെടുമങ്ങാട് പോലീസ് ഇൻസ്പെക്ടർ വി . രാജേഷ്കുമാറിന്‍റെ നേതൃത്വത്തിൽ എസ്ഐമാരായ സുനിൽഗോപി, ഷിഹാബുദ്ദീൻ, എഎസ്ഐ എസ്.പി.ഷിബു, സിപിഒ ഷിലു എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡു ചെയ്തു.
