ചാലക്കുടി: 19 വ‍യസുകാരിയായ വിദ്യാർഥിനിയെ മോഡലിംഗ് രംഗത്ത് അവസരങ്ങൾ വാഗ്ദാനം ചെയ്ത് പീഡിപ്പിച്ച സംഭവത്തിൽ രണ്ടുപേരെകൂടി തൃശൂർ റൂറൽ ഡിസിആർബി ഡിവൈഎസ്പി പി. പ്രദീപ്കുമാറിന്‍റെ നേതൃത്വത്തിലുളള പ്രത്യേക അന്വേഷണസംഘം അറസ്റ്റു ചെയ്തു.
പെരിന്തൽമണ്ണ തിരൂർകാട് സ്വദേശികളായ പൊന്നങ്ങാത്തൊടി വീട്ടിൽ ഷാഫി (27), തോണിക്കര വീട്ടിൽ ഷംസീർ (24) എന്നിവരാണ് അറസ്റ്റിലായത്.
എസ്ഐ പി.സി. അനിൽകുമാർ, എഎസ്ഐ ജിനമോൻ തച്ചേത്ത്, സതീശൻ മടപ്പാട്ടിൽ, റോയി പൗലോസ്, പി.എം.മൂസ, സി.ഒ. തോമസ്, വി.യു. സിൽജോ, എ.യു. റെജി, ഷിജോ തോമസ്, പി.എൻ. ഷീബ എന്നിവരും അന്വേഷണ സംഘത്തിൽ ഉണ്ടായിരുന്നു.
