ആർത്രൈറ്റിസ് രോഗനിർണയം എങ്ങനെ?

കു​ട്ടി​ക​ളി​ല്‍ ആ​ര്‍​ത്രൈ​റ്റി​സ് സാ​ധ്യ​ത​യു​ണ്ടോ?

രോ​ഗ​പ്ര​തി​രോ​ധ​ശേ​ഷി​യു​ടെ സം​വി​ധാ​ന​ത്തി​ല്‍ വ​രു​ന്ന വ്യ​ത്യാ​സ​ങ്ങ​ള്‍ കൊ​ണ്ട് ഉ​ണ്ടാ​യേ​ക്കാ​വു​ന്ന ആ​ര്‍​ത്രൈ​റ്റി​സ് ഏ​തു പ്രാ​യ​ക്കാ​രെ​യും എ​പ്പോ​ള്‍ വേ​ണ​മെ​ങ്കി​ലും ബാ​ധി​ക്കാം. സാ​ധാ​ര​ണ​യാ​യി കു​ട്ടി​ക​ളി​ല്‍ കാ​ണ​പ്പെ​ടു​ന്ന​ത് ജു​വ​നൈ​ല്‍ റു​മാ​റ്റോ​യ്ഡ് ആ​ര്‍​ത്രൈ​റ്റി​സാ​ണ്.

പാ​ര​മ്പ​ര്യ​മാ​യി കാ​ണ​പ്പെ​ടു​ന്ന രോ​ഗ​മാ​ണോ ആ​ര്‍​ത്രൈ​റ്റി​സ്?

പാ​ര​മ്പ​ര്യ​മാ​യോ അ​ല്ലാ​തെ​യോ കാ​ണാ​വു​ന്ന ജ​നി​ത​ക സ​വി​ശേ​ഷ​ത​ക​ള്‍ കൊ​ണ്ടും ആ​ര്‍​ത്രൈ​റ്റി​സ് ഉ​ണ്ടാ​കാം. അ​തി​ല്‍ പ്ര​ധാ​ന​മാ​യ​ത് എ​ച്ച്എ​ല്‍​എ ജീ​നു​മാ​യി ബ​ന്ധ​പ്പെ​ട്ട ആ​ര്‍​ത്രൈ​റ്റി​സു​ക​ളാ​ണ്. ഇ​ങ്ങ​നെ​യു​ള്ള ആ​ര്‍​ത്രൈ​റ്റി​സു​ക​ള്‍ മാ​താ​പി​താ​ക്ക​ള്‍​ക്കോ സ​ഹോ​ദ​ര​ങ്ങ​ള്‍​ക്കോ ഉ​ണ്ടെ​ങ്കി​ല്‍ അ​തു​ണ്ടാ​കാ​നു​ള്ള സാ​ധ്യ​ത​യേ​റെ​യാ​ണ്.

ഏ​തെ​ല്ലാം സ​ന്ധി​ക​ളെ​യാ​ണ് ആ​ര്‍​ത്രൈ​റ്റി​സ് ബാ​ധി​ക്കു​ന്ന​ത്?

കാ​ല്‍​മു​ട്ട്, ഇ​ടു​പ്പ്, ന​ട്ടെ​ല്ല് തു​ട​ങ്ങി​യ ഭാ​രം താ​ങ്ങു​ന്ന സ​ന്ധി​ക​ളി​ലാ​ണ് ഓ​സ്റ്റി​യോ ആ​ര്‍​ത്രൈ​റ്റി​സ് സാ​ധാ​ര​ണ​യാ​യി കാ​ണ​പ്പെ​ടു​ന്ന​ത്.

റൂ​മ​റ്റോ​യ്ഡ് ആ​ര്‍​ത്രൈ​റ്റി​സ്

കൈ​ക​ളി​ലെ സ​ന്ധി​ക​ള്‍ (വി​ര​ലു​ക​ളി​ലെ ആ​ദ്യ ര​ണ്ട് സ​ന്ധി​ക​ള്‍ – പ്രോ​ക്‌​സി​മ​ല്‍ ഇ​ന്‍റ​ര്‍​ഫ​ലാ​ഞ്ച്യ​ല്‍, മെ​റ്റാ​കാ​ര്‍​പോ​ഫ​ലാ​ഞ്ച്യ​ല്‍ എ​ന്നി​വ), കാ​ല്‍​ക്കു​ഴ, കാ​ല്‍​മു​ട്ട് എ​ന്നീ സ​ന്ധി​ക​ളി​ല്‍ റൂ​മ​റ്റോ​യ്ഡ് ആ​ര്‍​ത്രൈ​റ്റി​സ് കാ​ണ​പ്പെ​ടു​ന്നു. കാ​ലി​ന്‍റെ ത​ള്ള​വി​ര​ല്‍, കാ​ല്‍​ക്കു​ഴ, കാ​ല്‍​മു​ട്ട്, കൈ​മു​ട്ട് എ​ന്നി​വ​യി​ല്‍ ഗൗ​ട്ട് എ​ന്ന ആ​ര്‍​ത്രൈ​റ്റി​സും കാ​ണ​പ്പെ​ടു​ന്നു.

അ​വ​ഗ​ണി​ക്ക​രു​ത്

ആ​ര്‍​ത്രൈ​റ്റി​സ് ഒ​രു രോ​ഗ​ല​ക്ഷ​ണ​മാ​ണ്. ചെ​റി​യ കാ​ര്യ​മാ​യി അ​തി​നെ അ​വ​ഗ​ണി​ക്കു​ന്ന​ത് അ​പ​ക​ട​ക​ര​മാ​ണ്. ഈ ​ല​ക്ഷ​ണ​ത്തി​നു പി​ന്നി​ലു​ള്ള രോ​ഗ​ത്തെ നേ​ര​ത്തെ തി​രി​ച്ച​റി​ഞ്ഞ് അ​ധി​കം വൈ​കാ​തെ ചി​കി​ത്സി​ച്ചാ​ല്‍ ആ​ജീ​വ​നാ​ന്തം നി​ല​നി​ല്‍​ക്കാ​വു​ന്ന വൈ​ക​ല്യ​ങ്ങ​ളെ ഒ​ഴി​വാ​ക്കാ​നാ​വു​ന്ന​തേ​യു​ള്ളൂ. അ​തി​ന് ഒ​രു ഓ​ര്‍​ത്തോ​പീ​ഡി​ക് വി​ദ​ഗ്ധ​നെ​യോ റൂ​മാ​റ്റോ​യ്ഡ് സ്‌​പെ​ഷ​ലി​സ്റ്റി​നെ​യോ കാ​ണേ​ണ്ട​താ​ണ്. എ​ക്‌​സ് റേ​യി​ലൂ​ടെ​യും ര​ക്ത​പ​രി​ശോ​ധ​ന​യി​ലൂ​ടെ​യും ക്യ​ത്യ​മാ​യ രോ​ഗ​നി​ര്‍​ണ​യം സാ​ധ്യ​മാ​ണ്. (തു​ട​രും)

വിവരങ്ങൾ:

ഡോ. അനൂപ് എസ്. പിള്ള, സീനിയർ കൺസൾട്ടന്‍റ് ഓർത്തോപീഡിക് സർജൻ,
എസ്‌യുറ്റി ഹോസ്പിറ്റൽ, പട്ടം തിരുവനന്തപുരം