എഐയുടെ വരവ് സാങ്കേതിവിദ്യയുടെ ചരിത്രത്തില്‍ വിസ്മയങ്ങളുടെ ഒരധ്യായമാണ് എഴുതിച്ചേര്‍ത്തുകൊണ്ടിരിക്കുന്നത്. മനുഷ്യന്‍റെ ഭാവനകള്‍ക്ക് രൂപം നല്‍കാന്‍ അവയ്ക്ക് എളുപ്പത്തില്‍ കഴിയുന്നു.
തന്‍മൂലം പുതിയലോകത്തിന് ഏറെ പ്രിയപ്പെട്ടതായി മാറുകയാണ് ആര്‍ട്ടിഫിഷ്യല്‍ ഇന്‍റലിജന്‍സ്. അടുത്തിടെ നിര്‍മിത ബുദ്ധി ഉപയോഗിച്ച് തീര്‍ത്ത മഹത്തുക്കളുടെ സെല്‍ഫിയും വൈറലായിരുന്നു.
മഹാത്മാ ഗാന്ധിയും, മദര്‍ തെരേസയും ബി. ആര്‍. അംബേദ്കറുമൊക്കെ ഈ സെല്‍ഫി വിസ്മയത്തിലിടം പിടിച്ചു.
പോരാഞ്ഞ് മൃഗങ്ങളുടെ സെല്‍ഫിയും ശതകോടീശ്വരന്‍മാരുടെ ദാരിദ്ര്യ രൂപവും ആര്‍ട്ടിഫിഷ്യല്‍ ഇന്‍റലിജന്‍സ് ഒരുക്കി കാഴ്ചക്കാരനെ വിസ്മയിപ്പിച്ചു.
ഇപ്പോഴിതാ മറ്റൊരു ഞെട്ടിക്കലുമായി എഐ എത്തിയിരിക്കുകയാണ്. 21-ാം വയസിലെ ശ്രീരാമന്‍ എങ്ങനെ എന്നുള്ള കാഴ്ചയാണ് അത് ഒരുക്കയിട്ടുള്ളത്.
വാല്‍മീകി രാമായണം, രാമചരിതമാനസം തുടങ്ങി എല്ലാ ഗ്രന്ഥങ്ങളിലും നല്‍കിയിരിക്കുന്ന വിശദാംശങ്ങള്‍ അനുസരിച്ചാണ് ചിത്രം നിര്‍മിച്ചിരിക്കുന്നത്.
വൈറലായ ചിത്രത്തിന് പിന്നില്‍ ആരെന്ന് ഇതുവരെ അറിവില്ല. ഏന്നാല്‍ ഈ ചിത്രം സമൂഹ മധ്യമങ്ങളില്‍ വൈറലായി മാറി.
നിരവധി കമന്‍റുകളും ചിത്രത്തിന് ലഭിച്ചു. “ഇത്രയും സുന്ദരനായ ആരും ഭൂമിയില്‍ ഇതുവരെ ജനിച്ചിട്ടില്ല’ എന്നാണൊരാള്‍ കുറിച്ചത്.
