അമ്പലപ്പുഴ: പ്ലസ് ടു പoനത്തോടൊപ്പം താന്ത്രിക പoനവും പൂർത്തിയാക്കി വിദ്യാർഥി.കരുമാടി കളത്തിൽ പാലം ശോഭനപുരം വീട്ടിൽ പ്രതീഷിന്‍റെ മകൻ ആര്യനാ (18)ണ് ഈ നേട്ടം കൈവരിച്ചത്.
തകഴി ദേവസ്വം ബോർഡ് ഹയർ സെക്കൻഡറി സ്കൂളിൽ നിന്ന് പ്ലസ് ടു പoനം പൂർത്തിയാക്കിയ ആര്യൻ 4 വർഷം മുൻപാണ് താന്ത്രിക പഠനം ആരംഭിച്ചത്.
തുറവുർ പുത്തൻപറമ്പ് ദേവീ ക്ഷേത്രത്തിലെ ശാന്തി മoത്തിൽ നിന്നാണ് താന്ത്രിക പoനം പൂർത്തിയാക്കിയത്.
സ്കൂൾ അവധി സമയങ്ങളിലും മറ്റും സമയം കണ്ടെത്തിയാണ് താന്ത്രിക പoനം നടത്തിയത്. ക്ഷേത്രം ശാന്തി പ്രകാശൻ ശാന്തിയാണ് ആര്യനെ താന്ത്രിക പoനത്തിന്‍റെ ആദ്യാക്ഷരങ്ങൾ പകർന്നു നൽകിയത്.
4 വർഷത്തെ നീണ്ട പoനത്തിന് ശേഷം താന്ത്രിക വിദ്യകൾ അഭ്യസിച്ച ആര്യൻ ഇപ്പോൾ നിരവധി ദേവസ്വം ബോർഡ്, സ്വകാര്യ ക്ഷേത്രങ്ങളിൽ ശാന്തിമാരുടെ സഹായിയായും പ്രവർത്തിക്കുന്നുണ്ട്.
കരുമാടികളത്തിൽപ്പാലം എസ്.എൻ.ഡി.പിയിൽ നടന്ന ചടങ്ങിൽ ആര്യൻ ഉപനയനം സ്വീകരിച്ചു. ബന്ധുക്കളും സുഹൃത്തുക്കളും ഉൾപ്പെടെ നിരവധി പേരാണ് അര്യന്‍റെ ഉപനയന ചടങ്ങിൽ പങ്കെടുത്തത്.
