ദുബായ്: ഏഷ്യ കപ്പ് ക്രിക്കറ്റ് ട്രോഫി ദുബായിയിൽ ഇന്നലെ അനാവരണം ചെയ്തു. ഈ മാസം 15 മുതൽ യുഎഇയിലാണ് ഏഷ്യ കപ്പ് ക്രിക്കറ്റ് നടക്കുക. ഇന്ത്യ, പാക്കിസ്ഥാൻ, ഹോങ്കോംഗ് എന്നിവയാണ് ഗ്രൂപ്പ് എയിലുള്ളത്.
ഗ്രൂപ്പ് ബിയിൽ ശ്രീലങ്ക, ബംഗ്ലാദേശ്, അഫ്ഗാനിസ്ഥാൻ എന്നിവയാണുള്ളത്. വിരാട് കോഹ്ലിക്ക് വിശ്രമം അനുവദിച്ചതിനാൽ രോഹിത് ശർമയാണ് ഇന്ത്യയെ നയിക്കുക. ആറ് തവണ കിരീടം നേടിയ ഇന്ത്യയാണ് ഏഷ്യ കപ്പ് ഏറ്റവും അധികം സ്വന്തമാക്കിയിട്ടുള്ളത്. 18ന് വൈകുന്നേരം അഞ്ചിന് ഹോങ്കോംഗിനെതിരേയാണ് ഇന്ത്യയുടെ ആദ്യ മത്സരം. 19നാണ് ഇന്ത്യ – പാക് പോരാട്ടം.
