വിവാഹത്തോടെ സിനിമ അഭിനയരംഗത്ത് നിന്നു മാറിയെങ്കിലും സോഷ്യൽ മീഡിയയിൽ സജീവമാണ് മലയാളിയായ തെന്നിന്ത്യൻ താരം അസിൻ തോട്ടുങ്കൽ.
ഇപ്പോള്‍ താരം പങ്കുവച്ച ഒരു ഇന്‍സ്റ്റഗ്രാം സ്റ്റോറി ആരാധകര്‍ ഏറ്റെടുത്തിരിക്കുകയാണ് മകള്‍ അരിന്‍റെ ഏറ്റവും പുതിയ ചിത്രങ്ങളാണ് അസിന്‍ പങ്കുവെച്ചിരിക്കുന്നത്.
മകള്‍ക്ക് ഇപ്പോള്‍ തന്നെ വസ്ത്രങ്ങളുടെ കാര്യത്തില്‍ സ്വന്തം തിരഞ്ഞെടുപ്പാണ്. ധരിക്കാന്‍ ഇഷ്ടമുള്ളത് അവള്‍ തെരഞ്ഞെടുക്കുന്നു, പ്രത്യേകിച്ചും സണ്‍ ഗ്ലാസ്- ഇന്‍സ്റ്റഗ്രാം സ്റ്റോറിയില്‍ അസിന്‍ പറയുന്നു.
ഒന്നാം പിറന്നാള്‍ ദിനത്തിലാണ് ആദ്യമായി മകളായ അരിന്‍റെ ചിത്രം അസിന്‍ പുറത്തു വിട്ടത്. 2016 ജനുവരിയിലാണ് അസിനും മൈക്രോമാക്സ് ഉടമ രാഹുല്‍ ശര്‍മയും വിവാഹിതരാവുന്നത്.
‘ഹൗസ് ഫുള്‍ ടു’ എന്ന സിനിമയുടെ പ്രൊമോഷനിടയിലാണ് രാഹുലും അസിനും ആദ്യമായി കണ്ടുമുട്ടുന്നത്. പിന്നീട് പ്രണയത്തിലായ ഇവര്‍ അധികം വൈകാതെ വിവാഹിതരായി.
