ന്യൂഡൽഹി: ഖേലോ ഇന്ത്യ വനിതാ ലീഗ് ഔദ്യോഗികമായി അസ്മിത വിമൻസ് ലീഗ് എന്ന് അറിയപ്പെടുമെന്നു കേന്ദ്ര യുവജനകാര്യ കായിക മന്ത്രി അനുരാഗ് സിംഗ് ഠാക്കൂർ അറിയിച്ചു.
സ്ത്രീകളെ പ്രചോദിപ്പിച്ചുകൊണ്ട് കായികമേഖലയിൽ നാഴികക്കല്ലുകൾ കൈവരിക്കുന്നതിനെയാണ് അസ്മിത സൂചിപ്പിക്കുന്നത്. കേരളത്തിൽ വേദിയാകുന്ന ലീഗ് കോട്ടയത്തും കോഴിക്കോട്ടുമായി നടക്കും.
കോഴിക്കോട് സെന്‍റ് ജോസഫ്സ് കോളജിലെ ദേവഗിരി ഇൻഡോർ സ്റ്റേഡിയത്തിൽ സെപ്റ്റംബർ 5, 6 തീയതികളിലും ചങ്ങനാശേരി കിളിമലയിലുള്ള എസ്എച്ച് പബ്ലിക് സ്കൂളിൽ 6, 7 തീയതികളിലുമാണു മത്സരം. വിവരങ്ങൾക്ക് 9074428698.
