അഞ്ചല്‍ : ചടയമംഗലം കള്ളിക്കാട് യുവതി വീട്ടില്‍ പ്രസവിക്കുകയും പ്രസവത്തെ തുടര്‍ന്ന് അമ്മയും കുഞ്ഞും മരിയ്ക്കുകയും ചെയ്ത സംഭവത്തില്‍ ദുരൂഹതയൊന്നുമില്ലെന്നു പോലീസിന്‍റെ പ്രാഥമിക നിഗമനം.
അശ്വതി എന്ന 38കാരിയാണ് വീട്ടില്‍ പ്രസവിക്കുകയും തുടര്‍ന്ന് മരണപ്പെടുകയും ചെയ്തത്.
ഭര്‍ത്താവ് അനിയാണ് ഇവരുടെ പ്രസവം എടുത്തത്. ഇവര്‍ ആശുപത്രിയില്‍ പോകാതിരുന്നത് സാമ്പത്തിക ബുദ്ധിമുട്ടുകൊണ്ടാണ് എന്നും മറിച്ചുള്ള പ്രചാരണങ്ങള്‍ നിലവിലത്തെ അന്വേഷണത്തില്‍ തെറ്റാണ് എന്നും പോലീസ് പറയുന്നു.
അശ്വതിക്ക് ആശുപത്രിയില്‍ പോകുന്നത് ഇഷ്ട്ടമല്ല. പിന്നെ സാമ്പത്തിക ബുദ്ധിമുട്ടും ആശുപത്രിയില്‍ പോകുന്നതിനു തടസമായി.
സോഷ്യല്‍ മീഡിയകളില്‍ ഇവര്‍ ആശുപത്രിയില്‍ പോകാന്‍ കൂട്ടാക്കത്തത് ആചാരപരമായ കാര്യങ്ങളാല്‍ ആണെന്ന പ്രചരണം ഉണ്ടായിരുന്നു.
അശ്വതി ഗര്‍ഭിണിയാണെന്ന വിവരം അടുത്ത ബന്ധുക്കളോ നാട്ടുകാരോ അറിരിഞ്ഞിരുന്നില്ല.
അതുകൊണ്ട് തന്നെ ആരോഗ്യപ്രവര്‍ത്തകര്‍ക്ക് ഇക്കാര്യത്തില്‍ ഇടപെടാന്‍ കഴിഞ്ഞിരുന്നില്ല. കഴിഞ്ഞ ദിവസം തന്നെ ഭര്‍ത്താവ് അനിയെ പോലീസ് വിശദമായി ചോദ്യം ചെയ്തിരുന്നു.
പാരിപ്പള്ളി മെഡിക്കല്‍കോളേജ് ആശുപത്രിയില്‍ പോസ്റ്റ്മോര്‍ട്ടം നടത്തിയ മൃതദേഹങ്ങള്‍ ബന്ധുക്കള്‍ക്ക് വിട്ടുനല്‍കി.
മെഡിക്കല്‍ ബോര്‍ഡ് ചേര്‍ന്ന ശേഷം മാത്രമാകും പോസ്റ്റ്മോര്‍ട്ടം സംബന്ധിച്ച വിവരങ്ങള്‍ പോലീസിന് അടക്കം നല്‍കുക.
