ന്യൂഡല്‍ഹി: ഐപിഎല്‍ പതിനഞ്ചാം സീസണിനു മുന്നോടിയായി മെഗാ താരലേലം നടക്കാനിരിക്കുകയാണ്. പുതിയ രണ്ടു ടീമുകള്‍ കൂടി വന്നതോടെയാണ് മെഗാ താരലേലം നടക്കുന്നത്.
ഇതിനിടെ തന്‍റെ ഫ്രാഞ്ചൈസിയായ ഡല്‍ഹി ക്യാപ്പിറ്റല്‍സ് അടുത്ത സീസണില്‍ തന്നെ നിലനിര്‍ത്താന്‍ സാധ്യതയില്ലെന്ന് വെളിപ്പെ ടുത്തിയിരിക്കുകയാണ് സ്പിന്നർ ആർ. അശ്വിന്‍.
ടീമിന്‍റെ മുന്‍ ക്യാപ്റ്റന്‍ കൂടിയായ ശ്രേയസ് അയ്യരെയും ഡല്‍ഹി നിലനിര്‍ത്താനിടയില്ല. ഋഷഭ് പന്ത്, പൃഥ്വി ഷാ, ആന്‍റിച്ച് നോര്‍ക്യ എന്നിവരെയാകും ഡ ല്‍ഹി നിലനിര്‍ത്താന്‍ സാധ്യതയെന്നും തന്‍റെ യുട്യൂബ് ചാനലില്‍ പോസ്റ്റ് ചെയ്ത വീഡിയോയിൽ അശ്വിന്‍ ചൂണ്ടിക്കാട്ടി.
മെഗാ ലേലത്തിനു മുമ്പ് എട്ടു ഫ്രാഞ്ചൈസികള്‍ക്കും തങ്ങളുടെ പ്രധാനപ്പെട്ട നാലു താരങ്ങളെ മാത്രമാണ് നിലനിര്‍ത്താന്‍ സാധിക്കുക. ശേഷിച്ച താരങ്ങള്‍ ലേലത്തിനുള്ള പൂളിലെത്തും.
