‘പുത്തൻ ടിവിയും, ഡിഷ് ആന്‍റിനയു’ മെത്തി; അ​തു​ല്യയ്ക്കും ആ​ദി​ത്യ​നും ഇനി പഠനം മുടങ്ങില്ല; സഹായവുമായി യുവാക്കളുടെ കൂട്ടായ്മയായ ടീം ​ന​ന്മ

പു​ന്ന​പ്ര: തെ​ക്ക് പ​ഞ്ചാ​യ​ത്ത് അ​ഞ്ചാം വാ​ർ​ഡി​ൽ ക​രി​മ്പാ​വ​ള​വ് കൂ​നാ​യു​ടെ ചി​റ​യി​ൽ മോ​നി​ച്ച​ൻ​-റെ​ജി​മോ​ൾ ദ​മ്പ​തി​ക​ളു​ടെ മ​ക്ക​ളാ​യ അ​തു​ല്യയ്ക്കും ആ​ദി​ത്യ​നും ഇനി ഒാൺലൈൻ പഠനം മുടങ്ങില്ല.

സ്വന്തമായി ടിവിയോ സ്മാർട്ട് ഫോണോ ഇല്ലാത്തതി ന്‍റെ പേരിൽ ഒാൺലൈൻ ക്ലാസിൽ പങ്കെടുക്കാനാകാ തെ വിഷമത്തിലായ ഇവരു ടെ ദുരവസ്ഥ ഇന്നലെ രാഷ്‌‌ട്രദീപികയാണ് പുറത്തു കൊണ്ടുവന്നത്.
വാർത്തയെത്തു​ട​ർ​ന്ന് പു​ന്ന​പ്രയി​ലെ ചെ​റു​പ്പ​ക്കാ​രു​ടെ കൂ​ട്ടാ​യ്മ​യാ​യ ടീം ​ന​ന്മ അ​തു​ല്യ​യ്ക്കും ആ​ദി​ത്യ​നും പു​തി​യ ടി​വി​യും ഡി​ഷ് ആ​ന്‍റിന​യും കൈ​മാ​റി.

പു​ന്ന​പ്ര ജ​ന​മൈ​ത്രി പോ​ലീ​സ് സ​ര്‍​ക്കി​ള്‍ ഇ​ന്‍​സ്പെ​ക്‌‌ടര്‍ വി. പ്ര​സാ​ദ് അ​തു​ല്യ​യ്ക്കും ആ​ദി​ത്യ​നും ടി ​വി കൈ​മാ​റി. പു​ന്ന​പ്ര അ​റ​വു​കാ​ട് ഹൈ​സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി​നി​യാ​ണ് അ​തു​ല്യ. വീ​ട്ടി​ൽ ടി​വി​​യോ ഇ​ന്‍റ​ർ​നെ​റ്റ് സം​വി​ധാ​ന​മു​ള്ള മൊ​ബൈ​ൽ ഫോ​ണോ ഇ​ല്ലായിരുന്നു.

ഓ​ൺ​ലൈ​ൻ പ​ഠ​നം ആ​രം​ഭി​ച്ച​ത​റി​ഞ്ഞ് പ​ല വീ​ടു​ക​ളി​ൽ പോ​യെ​ങ്കി​ലും ക്ലാ​സു​ക​ൾ ന​ട​ക്കു​ന്ന ചാ​ന​ൽ ല​ഭ്യ​മ​ല്ലാ​ത്ത​തി​നാ​ൽ നി​രാ​ശ​യോ​ടെ മ​ട​ങ്ങേ​ണ്ടി​വ​ന്നു. ക​ർ​ഷ​ക​ത്തൊ​ഴി​ലാ​ളി​ക​ളാ​യ മാ​താ​പി​താ​ക്ക​ൾ​ക്ക് ടി ​വി​യോ മൊ​ബൈ​ൽ ഫോ​ണോ വാ​ങ്ങാ​നു​ള്ള സാ​ഹ​ച​ര്യ​മി​ല്ലായിരുന്നു. ക​ഴി​ഞ്ഞ പ്ര​ള​യ​ത്തി​ലാ​ണ് ഇവരുടെ ടി​വി ന​ഷ്‌‌ടപ്പെ​ട്ട​ത്.

വെ​ള്ള​പ്പൊ​ക്ക ദു​രി​താ​ശ്വാ​സ പ​ദ്ധ​തി​യി​ൽ ഉ​ൾ​പ്പെ​ടു​ത്തി വീ​ടു​വ​യ്ക്കാ​ൻ നാ​ലു ല​ക്ഷം രൂ​പ ല​ഭി​ച്ചെ​ങ്കി​ലും നി​ർ​മാ​ണം പൂ​ർ​ത്തി​യാ​ക്കാ​നാ​യി​ല്ല. അ​ട​ച്ചു​റ​പ്പി​ല്ലാ​ത്ത നി​ല​വി​ലെ വീ​ട്ടി​ൽ ന​ല്ലൊ​രു ശു​ചി​മു​റി പോ​ലു​മി​ല്ല. ഈ ​അ​വ​സ്ഥ​യി​ൽ മ​ക​ളു​ടെ തു​ട​ർ പ​ഠ​ന​ത്തി​ലു​ള്ള ആ​ശ​ങ്ക​യി​ലാ​യിരുന്നു കു​ടും​ബം.

അ​തു​ല്യ​യു​ടെ സ​ഹോ​ദ​ര​ൻ ആ​ദി​ത്യ​ൻ അ​റ​വു​കാ​ട് ഹൈ​സ്കൂ​ളി​ലെ ഒ​മ്പ​താം ക്ലാ​സ് വി​ദ്യാ​ർ​ഥി​യാ​ണ്. അ​മ്മ റെ​ജി​മോ​ൾ മു​ൻ കാ​യി​ക താ​ര​മാ​ണ്. സ്കൂ​ൾ കാ​യി​ക​മേ​ള​യി​ൽ 100, 200 മീ​റ്റ​ർ ഓ​ട്ട​ത്തി​ലും ഷോ​ട്പു​ട്ടി​ലും ഒ​ന്നാം സ്ഥാ​നം നേ​ടി​യി​ട്ടു​ണ്ട്.

തു​ട​ർ​ന്ന് തി​രു​വ​ന​ന്ത​പു​രം ജി ​ബി രാ​ജ സ്പോ​ർ​ട​്സ് സ്കൂ​ളി​ലാ​ണ് പ​ഠി​ച്ച​ത്. എ​ന്നാ​ൽ പി​താ​വി​ന്‍റെ മ​ര​ണ​ത്തോ​ടെ വി​ദ്യാ​ഭ്യാ​സം നി​ർ​ത്തി​വ​ച്ചു. ഒ​പ്പം സ്പോ​ർ​ട്സ് സ്കൂ​ളി​ൽ പ​ഠി​ച്ച പ​ല​ർ​ക്കും സ​ർ​ക്കാ​ർ ജോ​ലി​കി​ട്ടി​യി​ട്ടും റെ​ജി​മോ​ളെ വി​ധി തുണ​ച്ചി​ല്ല.

ത​ന്‍റെ അ​വ​സ്ഥ മ​ക്ക​ൾ​ക്കും ഉ​ണ്ടാ​കു​​മോ എ​ന്ന ആ​ശ​ങ്ക​ യിൽ കഴിയു ന്പോഴാണ് ഇവരെ തേടി ടീം നന്മയുടെ സഹായം എത്തിയത്. താ​മ​സ​യോ​ഗ്യ​മ​ല്ലാ​ത്ത വീ​ടി​ന്‍റെ പൂ​ര്‍​ത്തീ​ക​ര​ണ​ത്തി​നും ശു​ചി​മു​റി ഒ​രു​ക്കു​ന്ന​തി​നും വേ​ണ്ട സ​ഹാ​യ​ങ്ങ​ളും ഈ ​കു​ടും​ബ​ത്തി​നു ന​ല്‍​കു​മെ​ന്ന് ടീം ​ന​ന്മ​യു​ടെ പ്ര​വ​ര്‍​ത്ത​ക​രാ​യ നൂ​റു​ദ്ദീ​ന്‍ ഹാ​ഫി​യ​ത്ത്, സി​റാ​ജ് ന​ന്തി​കാ​ട്, ജോ​ബ് ജോ​സ​ഫ് എ​ന്നി​വ​ര്‍ ഉ​റ​പ്പു​ന​ല്‍​കി.