തിരുവനന്തപുരം എസ്എടി ആശുപത്രിയില്‍ നിന്ന് കാണാതായ ഗര്‍ഭിണിയെ കണ്ടെത്തി. തിരുവനന്തപുരം സ്വദേശിനി ഷംനയെ കരുനാഗപ്പള്ളിയില്‍ നിന്നാണ് കണ്ടെത്തിയത്. ടാക്‌സി ഡ്രൈവര്‍മാരാണ് ഇവരെ കണ്ടെത്തിയത്. ആശുപത്രിയില്‍ ഡോക്ടറെ കാണാന്‍ ഭര്‍ത്താവിനൊപ്പം പോയപ്പോഴാണ് ഇവരെ കാണാതാകുന്നത്. ചൊവ്വാഴ്ച രാവിലെ പതിനൊന്നോടെ ആശുപത്രിയില്‍ പരിശോധനയ്ക്കായി പ്രവേശിച്ചതാണ് ഷംന. തുടര്‍ന്ന് ഇവരെ കാണാതാവുകയായിരുന്നു. വര്‍ക്കല സ്വദേശി അന്‍ഷാദിന്റെ ഭാര്യയാണ് ഷംന.
ഷംന തിരുവനന്തപുരത്തുനിന്നും കോട്ടയത്തേക്കും തമിഴ്നാട്ടിലേക്കുമൊക്കെ യാത്ര ചെയ്തതായി കണ്ടെത്തിയിരുന്നു. അതിനിടെ യുവതി ഒരു സ്ത്രീയുടെ ഫോണിലേക്ക് വിളിച്ചിരുന്നു. സംഭവത്തില്‍ കൂടുതല്‍ വിവരങ്ങള്‍ അറിയാന്‍ പോലീസ് ചോദ്യം ചെയ്യല്‍ തുടങ്ങി.
