എടിഎം കവർച്ച: വൻ ആസൂത്രിതമെന്ന് പോലീസ്; കാണാതായ ബംഗാളികൾക്ക് കേസുമായി ബന്ധമില്ലെന്ന്

‘കോ​ട്ട​യം: തൃ​ശൂ​ർ, എ​റ​ണാ​കു​ളം ജി​ല്ല​ക​ളി​ലെ എ​ടി​എം ക​വ​ർ​ച്ച​യും കോ​ട്ട​യം ജി​ല്ല​യി​ലെ ക​വ​ർ​ച്ചാ ശ്ര​മ​വും വ​ൻ ആ​സൂ​ത്രി​ത​മെ​ന്ന്് പോ​ലീ​സ്. വി​വി​ധ സ്ഥ​ല​ങ്ങ​ളി​ൽ ആ​ഴ്ച​ക​ളോ​ളം താ​മ​സി​ച്ച് ക​വ​ർ​ച്ച ന​ട​ത്തേ​ണ്ട സ്ഥ​ല​ത്തെ രേ​ഖാ​ചി​ത്രം അ​ട​ക്കം എ​ല്ലാം ത​യാ​റാ​ക്കി​യ ശേ​ഷ​മാ​യി​രു​ന്നു ഓ​പ്പ​റേ​ഷ​ൻ എ​ന്നാ​ണ് പോ​ലീ​സി​ന്‍റെ നി​ഗ​മ​നം. ക​വ​ർ​ച്ച​ക്കാ​ർ ര​ണ്ടോ മൂ​ന്നോ സ്ഥ​ല​ത്ത് ത​ന്പ​ടി​ച്ചാ​ണ് എ​ത്തി​യ​തെ​ന്നും ക​രു​തു​ന്നു.

മ​ണി​പ്പു​ഴ​യി​ൽ നി​ന്ന് പി​ക്ക​പ്പ് വാ​ൻ മോ​ഷ്ടി​ച്ച് പോ​കു​ന്ന​ത് മൂ​ന്നു പേ​രാ​ണ്. എ​ന്നാ​ൽ ക​വ​ർ​ച്ച ന​ട​ത്തി​യ​ത് ഏ​ഴു പേ​രാ​ണ് എ​ന്നാ​ണ് ഇ​തു​വ​രെ ല​ഭി​ച്ച വി​വ​ര​ങ്ങ​ളി​ൽ നി​ന്ന് വ്യ​ക്ത​മാ​യ​ത്. അ​താ​യ​ത് ബാ​ക്കി നാ​ലു പേ​ർ കോ​ട്ട​യ​ത്തി​നും ചാ​ല​ക്കു​ടി​ക്കും മ​ധ്യേ പ​ല​യി​ട​ത്തു നി​ന്ന് ക​യ​റി​യ​താ​ണെ​ന്ന്് വ്യ​ക്തം.

ഇ​വ​രൊ​ക്കെ ആ​ഴ്ച​ക​ളാ​യി അ​താ​ത് സ്ഥ​ല​ങ്ങ​ളി​ൽ വ​ന്ന് താ​മ​സി​ക്കു​ന്ന​വ​രാ​യി​രി​ക്കാം. മു​ൻ​പ് ആ​ല​പ്പു​ഴ​യി​ൽ ന​ട​ന്ന എ​ടി​എം ക​വ​ർ​ച്ചാ കേ​സി​ൽ പ്ര​തി​ക​ൾ ആ​ഴ്ച​ക​ൾ​ക്കു മു​ൻ​പേ വ​ന്ന് താ​മ​സി​ച്ചി​രു​ന്നു​വെ​ന്ന് വ്യ​ക്ത​മാ​യി​രു​ന്നു. ഇ​തി​ന്‍റെ ചു​വ​ട് പി​ടി​ച്ചാ​ണ് ഇ​പ്പോ​ഴ​ത്തെ അ​ന്വേ​ഷ​ണ​വും നീ​ങ്ങു​ന്ന​ത്.

മ​ണി​പ്പു​ഴ​യി​ൽ നി​ന്ന് പി​ക്ക​പ്പ് വാ​ൻ പോ​യ​ത് അ​മി​ത വേ​ഗ​ത്തിലാ​യി​രു​ന്നു​വെ​ന്ന് വ്യ​ക്ത​മാ​യി. കൊ​ര​ട്ടി ഭാ​ഗ​ത്ത് വാ​നി​ന്‍റെ സ്പീ​ഡ് 93 കി​ലോ​മീ​റ്റ​റാ​ണ്. പ​ല​യി​ട​ത്തും ഇ​തേ സ്പീ​ഡി​ലാ​ണ് വാ​ഹ​നം പാ​ഞ്ഞ​ത്. ഇ​ത് വ​ഴി​യി​ലു​ള്ള കാ​മ​റ​ക​ളു​ടെ ക​ണ്ണു​വെ​ട്ടി​ക്കാ​നാ​യി​രി​ക്കാം.

ക​വ​ർ​ച്ച​യ്ക്കു ശേ​ഷം ചാ​ല​ക്കു​ടി​യി​ൽ ഉ​പേ​ക്ഷി​ച്ച പി​ക്ക്അ​പ് വാ​ൻ സ​യ​ന്‍റി​ഫി​ക് പ​രി​ശോ​ധ​ന​ക്കു വി​ധേ​യ​മാ​ക്കി. താ​ക്കോ​ൽ ദ്വാ​ര​ത്തി​ന് അ​യ​വ് ഉ​ണ്ടെ​ന്ന് ക​ണ്ടെ​ത്തി. അ​താ​യ​ത് പ​ഴ​യ താ​ക്കോ​ൽ ഉ​പ​യോ​ഗി​ച്ചാ​ൽ ഒ​രു പ​ക്ഷേ വ​ണ്ടി ഓ​ടി​ക്കാ​ൻ ക​ഴി​യു​മെ​ന്നാ​ണ് ക​ണ്ടെ​ത്ത​ൽ. എ​ട്ടു​വ​ർ​ഷ​ത്തെ പ​ഴ​ക്ക​മു​ള്ള​താ​ണ് പി​ക്ക്അ​പ് വാ​ൻ.

സാ​ധാ​ര​ണ​യാ​യി എ​ടി​എം കൗ​ണ്ട​റു​ക​ൾ ത​ക​ർ​ക്കാ​ൻ ശ്ര​മി​ച്ചാ​ൽ അ​ല​ർ​ട്ട് ഉ​ണ്ടാ​വേ​ണ്ട​താ​ണ്. ബാ​ങ്കി​ന്‍റെ മും​ബൈ​യി​ലെ ആ​സ്ഥാ​ന​ത്തേ​ക്കാ​ണ് അ​ല​ർ​ട്ട് പോ​കു​ന്ന​ത്. അ​വി​ടെ നി​ന്ന് അ​പ്പോ​ൾ ത​ന്നെ പോ​ലീ​സി​നെ അ​റി​യി​ച്ചി​രു​ന്നു​വെ​ങ്കി​ൽ ഒ​രു​പ​ക്ഷേ ക​വ​ർ​ച്ച​ക്കാ​ർ ര​ക്ഷ​പ്പെ​ട്ടു പോ​കു​ന്ന​തി​നു മു​ൻ​പേ പി​ടി​ക്കാ​മാ​യി​രു​ന്നു. അ​തു​ണ്ടാ​യി​ല്ല. സാ​ധാ​ര​ണ ഇ​ത്ത​രം അ​ല​ർ​ട്ടു​ക​ൾ എ​ലി ക​ര​ണ്ട​താ​കു​മെ​ന്നു ക​രു​തു​ക​യാ​ണ് പ​തി​വ്. പി​റ്റേ​ന്ന് രാ​വി​ലെ​യാ​കും ക​വ​ർ​ച്ച​ക്കാ​ര്യം അ​റി​യു​ക.

കാണാതായ ബംഗാളികൾക്ക് കേസുമായി ബന്ധമില്ലെന്ന്

കോ​ട്ട​യം: തൃ​ശൂ​രി​ൽ നി​ന്ന് കോ​ട്ട​യ​ത്തേ​ക്കു വ​ന്ന എ​ട്ടം​ഗ ബം​ഗാ​ളി​ക​ളി​ൽ മൂ​ന്നു പേ​രെ എ​റ​ണാ​കു​ളം, തൃ​ശൂ​ർ ജി​ല്ല​ക​ളി​ലെ എ​ടി​എം ക​വ​ർ​ച്ച ന​ട​ന്ന ദി​വ​സം മു​ത​ൽ കാ​ണാ​താ​യ​ത് സം​ബ​ന്ധി​ച്ച് പോ​ലീ​സ് അ​ന്വേ​ഷ​ണം ന​ട​ത്തി അ​വ​ർ​ക്ക് കേ​സു​മാ​യി ബ​ന്ധ​മി​ല്ലെ​ന്ന് വ്യ​ക്ത​മാ​യി. കാ​ണാ​താ​യ മൂ​ന്നു​പേ​രു​ടെ ചി​ത്രം ഇ​ന്ന​ലെ പോ​ലീ​സ് സം​ഘ​ടി​പ്പി​ച്ചു.

എ​ടി​എം ക​വ​ർ​ച്ചാ സ്ഥ​ല​ത്തു നി​ന്ന് ല​ഭി​ച്ച സി​സി​ടി​വി ദൃ​ശ്യ​വു​മാ​യി ഒ​ത്തു നോ​ക്കി​യ​തി​ൽ ഇ​വ​ർ​ക്ക് ബ​ന്ധ​മി​ല്ല എ​ന്നാ​ണ് ക​ണ്ടെ​ത്തി​യ​ത്. സി​സി​ടി​വി ദൃ​ശ്യ​ത്തി​ലു​ള​ള​ത് കാ​ണാ​താ​യ​വ​രു​ടെ ചി​ത്ര​ങ്ങ​ള​ല്ല എ​ന്നാ​ണ് പോ​ലീ​സ് പ​റ​യു​ന്ന​ത്.
കാ​ണാ​താ​യ​വ​രു​ടെ ഫേ​സ്ബു​ക്കി​ൽ നി​ന്നും മ​റ്റു​മാ​ണ് അ​വ​രു​ടെ ചി​ത്ര​ങ്ങ​ൾ ശേ​ഖ​രി​ച്ച​ത്.

തൃ​ശൂ​രി​ൽ നി​ന്ന് ദി​വാ​ൻ​ക​വ​ലി​യി​ൽ എ​ത്തി​യ ബം​ഗാ​ളി​ക​ളി​ൽ മൂ​ന്നു പേ​ർ ക​ഴി​ഞ്ഞ 11ന് ​നാ​ട്ടി​ലേ​ക്ക് പോ​യി എ​ന്നാ​ണ് ഒ​പ്പ​മു​ള്ള​വ​ർ പ​റ​യു​ന്ന​ത്.