തളിപ്പറമ്പ്: പുഷ്പഗിരിയില്‍ എടിഎം കവര്‍ച്ചാശ്രമം, പത്രവാഹനം വന്നതിനെതുടര്‍ന്ന് മോഷ്ടാക്കള്‍ ഇറങ്ങിയോടി രക്ഷപ്പെട്ടു. ഇന്ന് പുലര്‍ച്ചെ മൂന്നരയോടെയാണ് സംഭവം. വെട്ടം ബില്‍ഡിംഗില്‍ പ്രവര്‍ത്തിക്കുന്ന എസ്ബിടി എടിഎം കൗണ്ടറിലാണ് മോഷണശ്രമം നടന്നത്.
എല്ലാ പത്രങ്ങളുടെയും കെട്ടുകള്‍ ഇറക്കുന്നത് ഇവിടെയായതില്‍ പത്രവണ്ടി വന്നതോടെയാണ് മോഷ്ടാക്കള്‍ ഇറങ്ങിയോടിയത്. വാഹന ഡ്രൈവര്‍ വിവരമറിയിച്ചതിനെതുടര്‍ന്ന് പോലീസ് സ്ഥലത്തെത്തി. മോഷ്ടാക്കള്‍ കൊണ്ടുവന്ന ഗ്യാസ് കട്ടര്‍ തുടങ്ങിയ ഉപകരണങ്ങള്‍ ഇവിടെ ഉപേക്ഷിച്ച നിലയിലാണ്. പണം നഷ്ടപ്പെട്ടിട്ടിട്ടില്ലെന്നാണ് പ്രാഥമിക നിഗമനം.
ബാങ്ക് അധികൃതര്‍ എത്തിയാല്‍ മാത്രമേ കൂടുതല്‍ കാര്യങ്ങള്‍ പറയാനാവൂ എന്ന് പോലീസ് അറിയിച്ചു. സിഐ ഇ.സത്യനാഥ്, എസ്‌ഐ കെ.പി.ഷൈന്‍ എന്നിവരുടെ നേതൃത്വത്തില്‍ അന്വേഷണം ഊര്‍ജ്ജിതമാക്കിയിട്ടുണ്ട്.
