വിലങ്ങാട്: വാണിമേലിലും വളയത്തുമുള്ള എസ്ബിഐ എടി എമ്മുകളിൽ ഒരു മാസത്തിലെറെയായി പണമില്ലാത്തത് ജനത്തിന് ദുരിതമായി. പണം എപ്പോൾ എത്തുമെന്ന് പറയാൻ ബങ്ക് ഉദ്യോഗസ്ഥർക്കും സാധിക്കുന്നില്ല. പെരുന്നാൾ കച്ചവടത്തിന് കച്ചവടക്കാർ ഒരുക്കം തുടങ്ങിയിട്ടും നാട്ടിലെ എടിഎം പ്രവർത്തനരഹിതമായത് ഏറെ പ്രയാസം സൃഷ്ടിക്കുന്നുണ്ട്.
വാണിമേലിലെ എടിഎമ്മിന്‍റെ ബാറ്ററി തകരാറായതാണ് കാരണമായി പറയുന്നത്. അതേ സമയം സ്റ്റേറ്റ്ബാങ്ക് ലയനശേഷം നേരത്തെ എടിഎമ്മുകളിൽ പണം നിറച്ചിരുന്ന ഏജൻസിക്കാർ ജോലി തുടരാത്തതാണ് പ്രതിസന്ധിക്കു കാരണമെന്ന് കല്ലാച്ചി എസ് ബി ഐ മാനേജർ പറഞ്ഞു. എസ്ബി ഐയുമായി കരാറൊപ്പിട്ടശേഷം മാത്രമേ പണം നിറക്കയ്ക്കുകയുള്ളൂ എന്നാണറിവ്.
