കോയന്പത്തൂർ: മോഷണശ്രമത്തെ എതിർത്ത സ്ത്രീയുടെ മുഖത്ത് കത്തികൊണ്ടു മുറിവേല്പിച്ച യുവാവിനെ നാട്ടുകാർ പിടികൂടി പോലീസിൽ ഏല്പിച്ചു. ഒഡീഷ സ്വദേശിയും സ്വകാര്യമില്ലിൽ ജീവനക്കാരനുമായ ദുല്ലി (22)യാണ് ഇടയാർപാളയം ഈശ്വരമൂർത്തിയുടെ ഭാര്യ രാധാമണിയുടെ മുഖത്ത് കുത്തിയത്.
കടയിലെത്തിയ യുവാവ് രാധാമണിയുടെ സ്വർണമാല പൊട്ടിക്കാൻ നടത്തിയ ശ്രമം തടഞ്ഞപ്പോഴായിരുന്നു സംഭവം. തടയാൻ ചെന്ന ഹോട്ടലുടമയായ ആറുക്കുട്ടി (51)യേയും കത്തികൊണ്ട് ആക്രമിച്ചു. ഇതുകണ്ട നാട്ടുകാർ ദുല്ലിയെ പിടികൂടി കൈകാര്യം ചെയ്ത് സൂലൂർ പോലീസിനു കൈമാറുകയായിരുന്നു.
